Etunganan lo elomunit ko Nigerian kojenara kwape “ekabaka loka Satana” ngesi anuki omotoka ke kocaalo akaulo na atwanare korai ikaru 74.
Enukakitai Simon Odo toma omotoka kwape asuduku ido koduonor ekosio lo amina ngesi kotoma omotoka. Emotoka nesi arai asaduku ke, abalasi itunga lu ajaikina ngin.
Abu etasuro kirum ecaalo naarai arai ibore yen eipone kangol aisomaun.
Abala okooke kalo atwan ebe, adaunit papake ke, ailip kesi aitwasam emotoka kwape asaduku ke.
Itunga lu enerasi ka apupeta nuka iyemuto kesi abalasi ebe, enacit lo atwan aisomainikin lucie aswamisio lu arokok kotoma aijar ke.
Inerasi ka BBC okaru 2020, abala Odo ebe, irumunit ngesi aima ka aijaanakin Satana kane ejaasi auriak kede lu apapaa kec, lu aminasi Satana.
Abala ebe, ejatar ngesi ka angor 57 ido ebe, abu etiai lo idwe ke kimutokisi ngesi kaimoriarit itatai da.
