AMURIA– Aseo naka apolok icolongo luko otemwan kotoma opate loka NRM
nesi abu kongetakin ko Amuria ka Kapelebyong ejok.
Aiboisio adis nu etolosere aseo kesi ajai adodanar ebe mam etolositai aseo ejok, konye elagano da elopet nesi mam arai lo apatana.
Apotu lu ayaitos nu aseo kodistriktan kalu kolimosi lu apotu kotuboto kosodi lu aponi kilanyai da. Apotu lu ipu lu aponi kilanyai kocamutu aitelekaaro konye icie ayangasi angurian kec oyapeesi lo aseo ko opate loka NRM.
Lu aponi koseunai kodistrkta lo Amuria kesi; James Etonu lo abu kokakau abootin 897 ailanyia ipaupake kotem Ogongora kosodi Moses Okedo aitelekar kotem Olwa akaulo na amudun abootin 1,939.
Kotem Wera aponi koseunai Peter Opio lo abu kodum abootin 2,054 ailany
ipaupake erono noi kosodi Ali Aleper Odeke lo lem erai LC3 kotem Apeduru
aidak emendera akaulo na akakaun 1,412.
Richard Epulu lokolo arai ngesi da LC3 kotem Kuju ngesi abu kobongu kosodi aidak emendera akaulo na amudun abootin 2,226 kosodi Alanyu John lo lem idari etem Abia aitelekar kedumu abootin 1,453 ailanyia ipaupake.
Kotem Orungo, George Martin Oriokot ngesi abu kingaren kedumu abootin
1,822 ailanyia ipaupake kosodi Samuel Ocen aitelekar kotem Ogolai akaulo akakaun abootin 3,855.
Abu Wilson Oceger da kiteleka ko Wera Town Council akaulo na adumun
abootin 549 ailanyia ipaupake kosodi Joseph Odeng da aitelekar kotem
Morungatuny akaulo na akakaun abootin 929 ailanyia lucie lu aboloboloete kangesi.
Kotem Asamuk, Patrick Edonyu ngesi amamei yen etepegit ido ngesi kwana
edakit emenderalo epate loka NRM.
Ko Asamuk Town Council, George William Ogulei ngesi abu kiteleka kede abootin 429 kosodi Noah Odongo da aitelekar ko Orungo Town Council kedumu abootin 276.
Kotem Amolo Godfrey Eilu ngesi abu kiteleka ka abootin 2,368 kosodi Denis
Etama aitelekar kotem Akeriau.
David Agoyo ngesi abu kiteleka aseo kotem Abarilela kosodi Gabriel Ekweny lo amamei yen etepegit da aidak emendera kotem Willa.
Stephen Olego ngesi abu kiteleka ko Amuria Town Council, ailany lucie lu
aboloboloete kangesi. Kodistrikta lo Kapelebyong lu apotu kitelekasi kesi;
Dan Yonah Egadu kotem Okungur, Peter Okamo etem Obalanga, Joseph Okello Obalanga Town Council, Robert Ongareno etem Alito, Charles Oriokot etem Kapelebyong, Richard Odeng Kapelebyong Town
Council.
Icie kesi; Philip Eringu etem Acinga, Alex Itiamat etem Acowa, Oraat Joseph
Acowa Town Council, Martin Luther Okwalinga etem Akoromit kosodi Solomon Opio Akore Town Council.
Moses Okedo, lo edakit emendera kotem Olwa ngesi abala ebe ekoto lu elanyi da kocamutu nu eswamaunos kosodete ainapakin.
Abala ebe epote bobo icie abongun kwape lu obonipe, ido ngul kesi epote aitolitol epate loka NRM. John Peter Erabu, lo eyeiat nu aseo naka NRM ko Amuria ngesi abu kining lu adakata imenderan aayun ebe elosete aicat kanu aitelekar kotoma aseo na ebunit koingaren.
Mam ekoto oni alosit aijwalaun aseo na ebunit koingaren konye ekoto oni aicat aanyun ebe itelekari oni”, ecori Erabu lu adakata imenderan.
Konye lu ipu lu aponi kilanyai kesi mam ecamunitos ebe elanyany kesi ido ejaasi bobo abongun abolobol kwape obonipe.
