Arai ejatatar ajokit kede ekiror, ngesi ibakor. Ikokolak erai ibakor iswamaunete; naarai emamei itunganan yen ekoto araut ekokolan arai ejatatar kede iponesio icie lu isilosikina ipudesia ke lu kangin’apaaran.
Amalayan da, ecanit itarauni. Eraasi apesur nu kwana iseseni oni okoridon kotaunin egwelanarete awate kec iwoko iduwe, aanacan wok, apajan wok, konye eipone lo aijar ngesi eninik.
Adumun inyamat kotoun erai isirigin itosomao, anapito da ekoto enusu. ipudesia bala lu kesi aremosi kesi aimalaya.
Abenyak da, ibakor kesi esubunete; edumuni eipone lo itunga ka lu esesenete bala agolor kesi kinga komugaati lo apugan.
Itunga da lu epupete bala Itukurianit apugan ejautene kec kesi eraunos abenyak, naarai eninikaar do aijar Apuseru ka’ikokiok, ecanit itomonyi.
Ademio na alupok nu ikokiok keda apuseru irwana nu ipu ekadakada lo alupok eyangauni.
Edumuni ipajan eomomoutu ebe, aticepak enyoutu apuserut na kede ike iduwe, aticepak enyaun ne’korion.
Okwe esil ecanit, eroko ike ponesio adepar alianus na agar na ipumit. Emeret keda aimat ejaye eraasi adiope aswamisio ke ecanit; narai edumuni iinacan kemunokinos aimat kanu aimurokina ibakor kec.
Etipipilata ibakor itunga k’akwap kana toni icie alemar akuriau na egeyaana da. Alemasi ibakor itunga ileuc keda ayongakina bonik.
irereo atutubet kon kowany nu ainakisi ibakor itunga aswam. Esikapikiisi awomisio wok aitiji aarak lu, kotoma okalia, kane ejasi idwe, ikokiok, angor keda apuser.
Kane ejasi ikiliok keda atumunak k’otaunin, ocaloi, osentan toni ocorin, ijo yeni ejai agogong odil aiman, kopokwana ageutu idowok aitep, ejok arimaikin akoru tetere ber ejaasi acie da kojasi inyamat okalia.
Ijo yeni ejai acowa, komor kaluce; Idila etesot ebit keda acoa na itabari, naarai ekoto ti ngesi ebe apolokit luce kimurokite ngesi ebe, ne ilipatar lu’ipu kane ejai ngesi, ngesi da elangirikinit do ngesi da. (dependence burden).
Ijo yen isirerengit papa Edeke kede abar, ikeu lucie da. Etimit eong itunga lu ebit noi. Mam yesi iyuwara kane ejaasi luican.
Yesi ebeit akokoo, keda aiswamainikinio nu itipipilete noi toni yesi da angurian bala luican. Ejie lo erai lowok kere, mere lo itunga kalu ican bon.
Epugak, iswamaata ainapeta keda projekts lu elakunete itunga kobakor, mere aitopol akoikes kus keda isirigin atacak isolosinei.
Lu edini, mere aisilip isio bon ngesi aijanaakin Lokasuban. Icorata itunga, isisianakisi itunga aitiji aronon lo enyaritai ebe ekadakada kokalia. Aticepak ipuwakata eyuunak lu k’Lokasuban komoyo, mere ikapiirin lu erimaete ailip keda atukonokin.
Atumunak, oni kesi agogong na ekale. Amunokinos aitosom atumun wok aisiciata ikalia kopenesio lu kijeni oni kere, keda arokun lucie da lu imedaete k’akwapin.
Ipolok ka amakio, ocamutu aingarenikin ikalia kus. Itapasi adama ka noi asesen icie kayesi ijwalaunitos ikus ikalia kanu igurupun lu ajon. oyangasi iduwe asioman, isisianakisi iduwe kus
Erai Paul Ongoet euriat loko Katakwi ido korai epiriotit lo isuulai
