Lokasuban ikeit iboro, ikeitai ejok! Kingit ijo idwe Oduk kere akiro ekosio kalo, mam itumorete aisumun alimokin ijo aidules na ayoere kana.
Benard Olupot kojena kwape Aiwod egogong nesi etataunit ekosio ngol. Nape elomuni ekosio, kicurosi idwe Oduk.
Amina eong Iyegu, amina eong Iyegu……….! Eruiki konye ekosio ngol kojalak amojongik kogeutu aiswel. Erai Benard etunganan lo esalete itunga luko Teso iitunitos kanu aikeke ayoere na ajijim noi.
Naesabiiti eraasi 6.12.2020 nesi atwania emina Iteso. Konapite abutusin nu ecilicila, arai Olupot etunganan lo ajenara ko Kumi kanu aisial itunga kede airam akoogo.
Aiwod egogong! Arai da erai amojong, Lokasuban ikeit iboro. Arai da erai akimat, Lokasuban ikeit iboro. Ikidikidi Olupot itunga itauon. “Erai Olupot etunganan lo epaperono ido komina aikeunit einono loka Iteso koipone lo ayoere. Etiono ijo adumun epolon lo epedorit apwakunun ikososinei bala Olupot,” abala ediope etelepat inera.
Dan Outa, amacaran iyemuto k’apapula na Aicerit, ngesi eitunit Olupot kwape etungana lo mam ebeliana.
Eyatakit ebe, etwaniari Teso etunganan lo ajatar ka amina na ayoere ido nepenen adumunana aijar ke. Eyengu aiwod egogong.
