SERERE – Akaulo na aitaarikin kede ainapeta nu Emyooga adaun nepetai ekaru ediopet, lu enakitos akile nu ajokak kesi do eirata awiinyu na Emyooga.
Eraasi ainapeta nu kanu aitojokaar ejautene loka itunga katukono nu
egelegela. Simon Peter Egerait lo eyait Micro Finance Support Center ko Teso ngesi abala ebe, Teso nesi iswamai ejok noi kowai loka Emyooga ido kakere Serere nges ingarenit noi naarai adolokisi adoketait na alemun apiyai kanu ageun aitojokaar ejautene kec.
Itacaunit Egerait ebe kangol SACCO ebeit adumun 30m lu einakitai kesi kwape lu egeuniatar aipang aijar konye ber eroko kesi ber edolit aige aimono eroko imedauna tetere do konye epdorete aibanguun apiyai nu irwanaikinio irwan auni kalu imonoikitos kesi.
Icie kalu adau arerengu akubokin ko Serere kesi imoriaritos; adonyok igoen, arotak iyemuto luko Pingire. Apedosi ber lu awadun apiyai nu elomaritos kiding na sh3m kitoni 9m ko Opportunity Bank Soroti.
Geoffrey Okiswa, RDC lo Serere ngesi ebala ebe, ejaasi lu ekotosi ebe aanyun kakongu apak ibore ilope konye lu adautu aicop aimedaun kes lem eraasi lupo ejaasi kakes nepepe.
Lu emedaunak kes etodiaritos aiyalama na epol noi kobalasi ebe, kageunet
aomitos kesi ebe, erai esabet konye do adoloki adoketait na kwana do edakitotor kesi enyadu lo ido ekapakina kesi aitwasam apiyai ngun ejok.
SACCOs lu edolitos 54 kesi ebeit aimedaun ko Serere kobukui luko; Serere, Kasilo nepepe ka Pingire.
