KATAKWI – Nepe eroko akiro nu aibiror kaseo itukulaete adam, adieket nesi bobo araasi 15.09.2020, abu kocedaki Walter Elakas Okiring, apolon eicolong loka LC5 ko Katakwi distrikt, aiwadikaet na enyaratere ngesi ajaun adieket.
Kotoma aiwadikaet na etolomuni adieket naka Chief Magistrate ko Katakwi anyaratai Elakas alosit adieket kanu emusaago kiding ngesi ka akwap nako Uganda.
Iwosatai Elakas nepepe ka Joseph Akol, apolokiton ebood lo alupok ko Katakwi ido erai emusaago enaaba CRB 105/ 2018 lo aium ka aitipipil etunganan.“Ipudai ijo ajaun toma adieket nako Katakwi eraasi 22.09.2020 kosawan iuni lu atupuruc katipet kanu apupokin emusaago lo iworotere ijo,” asiomi aiwadikaet na edumunit Aicerit kidokokitete akan toma. Apotu Elakas ka Akol kojaunos adieket konye abu Freddie Awacnedi, atubon lo adieket na adoketait nasodit kigirak kesi abongun adieket eraasi 24.10.2020 karaida apotu kesi kopegaritos akiro nu iwosater kesi.
“Ipudai ijo ajaun toma adieket nako Katakwi eraasi 22.09.2020 kosawan iuni lu atupuruc katipet kanu apupokin emusaago lo iworotere ijo,” asiomi aiwadikaet na adieket.
Esusut lo akiro
Nepetai ikaru iyarei kau eraasi 10.02.2018, apotu apupeta nu iyemuto kiwadikata iyemuto lu etoronitor Charles Opus, Elakas ka Akol kanu ebe aibungata ka amiedemed ngesi k’oteri lo Akello ko Katakwi distrikt.
Abu Opus kopuko emusaago lo aibunga ngesi ko Katakwi CPS, konye abu emusaago ngol kodau nepetai ilapio iuni eperi ko Katakwi, kitoni ne ebeliarata iyemuto ngun. Karaida ajai emusaago akanin nu ikisila, konye abala Opus ebe ajai ngesi adumun amukian k’adekisia nu egelegela, ido ibore yen amonyi ngesi ebe apipil noi nesi egura, iporotoi, epur kede amaraga, kejaasi aiboisio acie da.
Nepetai ikaru iyarei kau eraasi 10.02.2018, apotu apupeta nu iyemuto kiwadikata iyemuto lu etoronitor Charles Opus, Elakas ka Akol kanu ebe aibungata ka amiedemed ngesi k’oteri lo Akello ko Katakwi distrikt. Abu Opus kopuko emusaago lo aibunga ngesi ko Katakwi CPS, konye abu emusaago ngol kodau nepetai ilapio iuni eperi ko Katakwi, kitoni ne ebeliarata iyemuto ngun. Karaida ajai emusaago akanin nu ikisila, konye abala Opus ebe ajai ngesi adumun amukian k’adekisia nu egelegela, ido ibore yen amonyi ngesi ebe apipil noi nesi egura, iporotoi, epur kede amaraga, kejaasi aiboisio acie da.
Ketuboros ilapio iuni, asubit bala apotu akiro kodungioto kitoni konye ne aponi kisukunyikinere oyapesin lu ipolisin karii nako Kide, naarai ebe apotu itunga lu iwosatai komengerikisi eworo lo ipolisin luko Katakwi. “Mam Elakas ka Akol ecamunitos abunore apupokin emusaago lo iwosatere kesi. Mam ibore yen ejok cut naarai itodunit emengerai kane ejai engarenon,” abala Michael Odongo, eraban loka Polis kari nako kide nepetai ekaru ediope kokau. Opus, euiriat lo Moru-B, eitela Abela ko Katakwi distrikt ngesi ageun okaru 2018, ibwapakit emusaago ngol k’aburaco neda amoyia ebe, itukuriani ngesi aiyap na emusaago kangol aitemokino. Inerasi ka Aicerit pac, abala
Opus ebe, abu ber afairo na emusaago ke kowolio konye abu ngesi kicat ailip Lokasuban aingarakin ngesi. Aibungao ke Opus, nesi abala elope ebe egongakina toma onguingui lo alupok nu ebe ekotosi Elakas ka Akol aingarakin engarenok icie ademakin ekale kec kocaalo lo Abela. Inerasi ka Aicerit pac, amonyi Opus ebe, atwania ngesi apiyai nu ipu noi kanu amukian ka alosit orot.
Kolelete akio akonyen ke, elipit Opus ekisil arior akan ke kanu aitemokin angurian na kwana adau apak na ewoj mam itemokina. Karaida enyarat adieket Elakas kede Akol, konye pac inerasi ka arotak iyemuto apotu lu iyarei kopegaritos akiro nu emusaago kangol kobalasi ebe erai lo epeleikitere atwalatwal ekiror ke.
Elakas ngesi apaarasia nu apukokina Opus ngesi emusaago ngesi abala ebe, mam ber ngesi elope anyamenenei k’oterin luko Katakwi da, ido ebe, arai einer ke Opus lo mam ngesi ejeni apeleikinet ke cut.
Ationor ca?
Aijar ke Elakas nesi ebalasi itunga lu ipu ebe ejai aridakin akaulo evidio pac airiam olago lo autar ngesi bala ti ademakin lo ayuara emuudu, ibore yen abu kosal akwes na itunga lu ipu lu emerakitos ngol kwape ibore yen ekoto ekisil atupakin kanu aisisiaun aidules ke.
Kiyauni yes aidules kanu etakanunete apaaran na enyaratere Elakas ka Akol alosit adieket.
