Ikulepek isomeron lu mam eraasi lu apugan ko Soroti City kesi itepegitos apukorio na isomeron okaru lo.
President Museveni ngesi, Naesabiiti na atubor, abu kolimo apukorio na
isomeron bobo akaulo na agolokinere olap Loiuniet kebwangun adeka na
ekolera.
Epresident ngesi abu kolimo ebe isomeron kesi epote apukor olap ngol
Loitomonet eraasi 15, korai ber atukono nu ebeit aiboikit aingito na engatakin kesi bon ebongorete.
Imoriaritos arukono nu; P.7, S.4, S.6, kalu eutasi angetanakin ikoosin kec.
Paul Etiang, apolon eicolong lo atukot na imorimorit ikulepek isomeroi lu mam eraasi lu apugan, koraida bobo elope Soroti Education Center, ngesi
abala ebe, apugan nesi mam itacaunit nu iswama kanu ayuar esisianaknak
nepepei ka esisiak lu mam eperete osomero.
“ Apugan da alopet mam ekapakin. Eebo, ikoto oni asioman konye kowany, aibo kidumakini oni idwe lu elosete atukot na etupakinin naarai oni kere ibwaikin aomisio ne ejaasi lu eutasi angetakin,” abala Etiang.
Etiang ngesi abala ebe,epudakin aiduk aomisio nuka idwe kanu ikamunitos
atiokisio nu eupasi kede adeka na ekorona. ‘Mam oni ijaikit apak aisinapikin aomisio nuka idwe kalu.
Eroko icie eriengunitos akaulo na esiriengunere kesi aglokin isomeron katipet. Bobo da, aibo ejaasi ikapun kosomeroi naarai kwana ilapio ikanyaape ageun ne agolokinere isomeron.
Ejaikisi awate wok apak. Edolit kolimorai ebe atwana ekaru lo, kageasi asioman okaru ngol olap Losodit.
Einakini oni acamun kotoma aomisio da ebe karaida edekakin ikoku ka, nu nesi ebeit eong aswam,” abala Etiang.
Kilimokin isio apukor isomeron , konye aibo ejaasi nu tupitono kanu ayuar
esisianakinak ka esisiak,” engisit Etyang.
Johm Robert Omoding, ecora lo atukot, koraida apolon esomero Aten PS,
ngesi abala ebe, aiboisit amaranakin apukor isomeron, ibore emin
aiyatakin akora na edeka kana, adolit apukan amoun eipone lo itetenet asioman kokaru kangol.
“Ationis kosi nesi na alaanakina. Edolit apugan aiduk atukono acie. Karaida icoolonin ipuda isio icie. Kisiekik apugan apak toni ne edukere atukono,” abala Omoding.
Francis Ewalu, apolon eicolong LC3 Asamuk S/C Amuria district, ngesi elepunit akurianu ke ebe karai epukor isomeroi kopekwana, mam auriak
epedorete ainyakar idwe osomero naarai aisubuus da na ejai, amunamun ekorona.
Florence Angero, aurian, kiboyei ko Akisim Cell ko Soroti City, ngesi abala ebe, apukor isomeroi nesi elosi aridakin auriak ka ikulepek isomero, kowai lo apiyai kwape da lem egololotor isomeroi adaun nepetai ilapio ikanyaape.
