KUMI – Abwaak kanuka MPs ko Kumi distrikt kesi etepegata akiro nu
iketakinar na eyait aseo kodistrikta ebe aimar aseeta kotoma oyapiesi lo eyaitere nu aseo.
Abalasi ebe, emameun ayuara kanuka adeka na ekorona naarai ediding aiboisit ngin. Betty Atim Owot, ayaiton aseo ngesi abu kisiriengu abwaak kelimu ebe, oyapiesi ke ngesi eponere aimar aseeta keda alimor yeni adau aitub.
Abwaak kwapenat; Robert Ochen (FDC) kinekete aibwok Kumi Municipality, Solomon Opio (obonipe) kanuka ebuku Kumi, Godfrey Obore, Charles Ilakut, Mary Atemo (FDC) kesi ekuriaka ebe, esubit bala ejai ibore ibwaitai. Robert Ochen ngesi abala ebe, ejai kesi abuinikin ebe, idunyasi aiboisit ngin kede oreke abwaan ido ebe, emina ationis kolomu.
Elipit abootin ayangario adukena nuka edistrikt kanu aimar. “Kanu inyo ber bobo ayaunere aimar aseeta ne konye korai koleje aduketait na edistrikt?” engisit Solomon Opio, karaida esialamikit erionget lo aseo kanu aruruk ayaun iboro lu aseo.
Abwaak icie kesi abalasi ebe, edolit ayangar abootin aimario aiboisit na elal
tetere epatana aite. Christine Amongin Aporu ngesi abala ebe, karaida idunyasi oreke keda eyapiesi lo aseo esubit bala erai ibure nesi eroikit
abwaak icie.
Betty Atim Owot, ayaiton nu aseo ngesi abala ebe, eyuara abootin nu ido abwaan lo epedori ayaun egangitok ke apero toma oyapiesi ecamakitai bon.
Eyatakinit ebe erionget loka National Information Technology Authority
(NITA) kesi apotu icorakisi akaulo na anyun ebe council hall nesi adiding noi. “Emamei isio alosikinet na akoko,” abala Atim.
