KATAKWI – Eliyae St. Paul COU Kanaemukaaga eraasi 9.01.2021.
Arau epucit lo aisikwarun amina kiding David Martin Elungat kede Stella Rose Ikiyai nesi erumit adukena nuka Edeke.
“…Kotoma angaleu kitoni adeka da….,” elairaete imugolen kakonyen nuka Lokasuban koraasi imakio, ikuristaayon, Bishops kede imulukai da ajenak.
Arai aikweny emuceera bala itak ido kopol aiced bala iwalun kane ejaasi iterak kede enyamitok kec lo anapitos igoen lu ekamete akonye bala
emamete ibakor da kokwap akolong.
Bp. Kosea Odongo loko Soroti Anglican Diocese kede Charles Bernard Obaikol lo arai epejonon lo angosibib kokanisa kesi apotu kitewenata David kede Stella epeta.
Osooda kitoni osooda kimilia akamera kanu abitunun aputosio nuka Mam epeta ngol enyouni kadam nuko Katakwi karaida epu ipetai lu epeta.
Mam konye nu ainyam araasi akiro nu imurokini itunganan alimun da. Arai aiyet acupai, airiet akokorei kede abilasinei kere nuka akiring kijirijirete idwe Oduk ayoere itee bala arai apaaran na awasia kanu aporor aiboi kede Lokasuban kokuju.
Mam epeta ngol enyouni kadam nuko Katakwi karaida epu ipetai lu alosete akonye kapaaran kangin, naarai ayapiei abu Bp. Obaikol kicur eijiri
kiyamakina ekanisa aitoikit aki.
“Erai lo epeta losodit eong amonyia kanu ailel. Erai aumokin,” abala Bp. Obaikol. Abu kicorak iterak araut lu iyatakinete amina kangin idiope kwape adaunata aisiteteun epeta kec.
