Osaabiiti lo atubor nesi abu Kenya kimikia Uganda ayanganar ekirididi akwap ke. Iyemuto lu kesi apotu kotwarutu aiyalongong. Kanu kangun, anyarau apugan aurianet kanu aikisar angurian ngin na adakun kiding Uganda kede Kenya.
Inerasi kede arotak iyemuto, Julius Maganda, eminista lo cici kanuka East African Community (EAC) Affairs, ngesi abala ebe, ebeit iministan lu aisubis, akoru, East African Community Affairs kede apiyai airiamun lolo, kanu amorun aomisio nu eposik.
Ebeit bobo airiamun kede engarenok luko Kenya eraasi 11.03.2021.
Aminsita naka agwelanar kede icuuman, Amelia Kyambadde, ngesi abu kitigogong nuka aurianet kangin.
Kane ejai erionget lo akoru kede inyamat ko Kenya (Agriculture and Food Authority (AFA), ejatar ekirididi loko Uganda kede ikee lu eminasi atwarun ekansa.
Epelunos ngun kotoma apak na erokor Uganda euniara kede ainingosia nuka ekorona. Etasuro nesi eridakit itunga, naarai ejai akurianu bala eminasi ibeeyin luka ikorion aijesun kwap noi.
No Comment