KATAKWI – Eminasi angor airimokit aimo asuliany na aur toma okanisan kwape inerar Ebaibuli ebe erai aur araito nuka akoik na aberu. Mam acie epodosi da!
Kanuka Jesca Ayeto, 22, kolomunite kocaalo lo Omodo eitela Okokoma ko Katakwi distrikt, esubit bala erai ngun amamiak.
Eraasi 16.02.2021, abu polis korid ngesi akaulo aisisiaun ebe, abu akoik na ilapio ikanyarei acakakin acolooni.
Etoronitai Rose Aleo na ikaru 30 kwape amuron na abu kingarak ngesi aitolomun akoik. Alomunit Aleo kocaalo lo Akullet kotem Getom.
Isisiaunitai nu alemario na akoik kangin akaulo itunga aisisiaun akoik ke Ayeto edisiar komamei ikoku.
Akaulo atukokin icaaloi luko Kaimoru, Omodo kede Akulet kanu aingitar Ayeto ne abu akoik kitor, apotu Richard Adukala kojena kwape town mayor Omodo Centre nepepe keda chairman LC1 Omodo, Paul Imalingat kitacautu akiro kotoma aingiseta kec.
Nen ngesi acamuna ebe, Aleo ngesi abu koinak ngesi ekiya lo amatari ngesi ileleba akwencha kanaikanyet osabiiti lo atubor .
Konye Aleo ngesi abu kocam ebe ayangaunit ngesi ikiya keda akwancha konye mam arai lo itolomunet akoik. Abala ebe, arai ekia lo adaka na akwap nesi einakit ngesi Ayeto.
“Abu Jesca kolimok eong ebe, ilelebanara akeje ke ido abu eong kalimok ngesi ebe, ekiya lo ajeni engo nesi lo adeka na akwap,” abala Aleo konye ekaulo abu kocam ecudet ke.
Abala ebe, eciku kwana ngesi akoikes nu angor akanyarei.
Arai do ipolisin lu engarenit DPC loko Katakwi, David Wills Ndaula ngesi abu kitigogong ebe arai apolis aruruk kacut ayuun angor ngun kane ejaasi itunga lu emielasi aicutar kesi.
Abala ebe, adautu kesi aiting angor ngun neda epuponokinata kotoma aidaris kanu eyarit.
Abala Ndaula ebe, angor nu idila aswam ngun kesi ediakaritos noi kowai lo ikisila lu akwap nako Uganda kosodi da erai abilit ikisila luka Lokasuban.
Imalingat kojena kwape Umar ngesi abala ebe arai ileic apupun akiro ngun.
