Eyaitene lo awenisian kane ko Uganda, Uganda Prisons,nesi etalaki Shs 500,000 kangin ijeerat lo ikamuno kangul lu apotu kobilata awenis nako
Moroto kosodete abelar aisi kede imuudun.
Lo eyait nu aweniasia ko Uganda (Commisioner General), Johnson
Byabashaija, lo kopekwana idukurit Moroto akaulo na asiatar iwenan 219 Naiuniet kosabiiti lo atubor, ngesi abala ebe, alosi ngesi airop idio itunganan yen inyakuni emuudu kere lo apotu iwenan lu kokeriatar,
kede Shs1.5m, kosodi idio itunganan kere yen ingarakini aikamun ka
ainyakun ejeeat ngesi elosio aitac Shs 500,000. kangin ijeeerat.
“Akoto eong aikwenyakin ngul lu apotu kosiata ebe, erai apak adis bon
kikamunete kesi. Ngul lu aopotu kosiatu ko Arua, apotu isio kekamutu. Ngul da lu apotu kosiata ko Bukwo apotu isio kecimutu.
Kibuni isio aikamun ngul da. Ko Uganda, emamei ne ipedoria ijo aingopia. Karaida iker ijo akwap na eidunyet, kede aiswamanara kosi, ibuni isio ainyakun ijo,” abala Byabashaija.
Abu Byabashaija kocam ebe ajai anonoku toma awenis na, ibore abu koinak iwenan lu etia nen esiete kobala ebe adaun ber aikamun 14, ido ikanyaarei kesi adaun aituwoor aijar.
Apejo ke ka Byabashaija nesi elomunit akaulo engarenok lupetiek korionget lo awenisia alosit aidukur Moroto kanu angicun inyobo ayauni iwena lu aisi konaaba kangol.
Eraban loka Prisons Frank Baine, ngesi abala ebe, emamei ber emuudu edio
lo inyakunitai kotoma omuudun lu apotu iwenan kobilasi ido ebe, icie kowenan lu apotu kosiata kesi adautu alomar akwap nako Kenya.
