BUKEDEA – Akaulo na aingitanar komamei yen ejeni abongokinet naka Emyooga, loti amunoi ebe abunit aikisar ecanit kotunga, RDC loitetet, Geoffrey Okiswa, ngesi, eraasi 21.1.2021 ijauni iswamasia, abu koraju Ikidia itaon lulem ikiara kuju kanu emyooga lo akoto aisub afoomun nuka akituk Iteso.
Okiswa, lo ejukun Bukedea aburokin Ramathan Walugembe, ngesi abala ebe, “Eyalama aijaun eong Bukedea konye agenda ka nasodit, nesi aisiarar ikapun kere luka Emyooga koloto mama ejaasi ikulepek, kogeutu itunga aicurusa aikeunia ekalia kec,” abala Okiswa.
Itacaunt ebe, anyoun kodistrikta lo Serere lolem ajai ngesi adaun ikaru 2 keda atutubet, apotu Iseera kere kisiyalamikisi ngesi kanu akoraria Emyooga ne ejaasi ikulepek katipet ido ajok eswamae kec.
Etacaunit ebe, abunore ke Bukedea aswam kwape RDC ngesi arai ibore yen
epatana noi naarai erai Bukedea NRM kere, kitiriani keda Serere ne ejaasi etepegak apugan edakitos icolongo.
Okiswa ngesi abu kisuminik aitodolikin ejok, nu iyakunitor ngesi eyapesi loka president Bukedea keda amina ake kwap, komam aise ikur kobaale.
Konye Walugembe, enyouni alosit Sembabule ne ejular, ngesi esiyalamikit
itunga luko Bukedea kanu aidar ngesi adaun ikaru ikany kere iswamae ejok, karaida ajaasi idis lu atamitos aitiji ngesi.
Abu kikwenya Okiswa aidar aijar ke ejok ko Bukeea acoikin epiu, keda idis lu eminas aticepak aloger ngesi da kaswam.
Etirori nuka Emyooga, Walugembe ngesi abu kitacau ebe, abu lem Bukedea kiyapite adumun ikapun kec naarai mam abaluwan nuka certificate kec alomunitos kere.
Abala ebe, Bukedea kwape ebuku mam ber edumunit abaluwan kec kilema ebuku lo kachumala bon adolutu nukec ido emunoi ebe, edumuni Bukedea da nukec katipet, kimedautu kere nepepe.
Kodumak aidules acie otoma apapula!
