ADIEKET na atubon losodit ko Soroti kingarenikite Sylvia Nvannuugi nes bian abu kiramada itunga 94 lu apotu kicukutu amumu kanu akiro
nu aseo nuko obuku Soroti Atumunak luko obuku Soroti kes agear Naikanyet natubor apotu komumuoros akaulo na erionget lo aseo alimor Patrick Aeku kwape lo atubit abwoikin ebuku ngon Abu erionget lo aseo kolimo Aeku kwape lo atubit kede abootib 6400.
Ebuku Soroti nes imoriarit itemwan luko Asuret, Kamuda ka Ocokcan.
Lo atupakit Aeku nges Samuel Eninu kede abootin 6001 Icie lu aboloboloete kotoma aseo kana kes; Joseph Ogita, Jimmy Oriokot, Messhulam Elupe, Juventine Onyait, Daniel Eigu ka Francis Edimu Atumunak l ukes ebe apotu kobelaros kosodete aicwe itogoi itunga, itepegitos akiro nu alimorit erionget lo aseo.
Atubon Nvanunnugi nges abala ebe itunga lu 94 kes itepesenitai kanu aisidik amumu, ido irimadatai kesi toni ne ebunio atubon lo itebeikina aipup emusaago kec.
“Ejukari do eong yesi awenis toni mwakace,” abala ngesi David Ongom Mudong, eraban lo ipoliisin ko arii nako Kide, nges abala ebe atumunak luipu kes ikamitai kotem Asuret kanu amumu.
Abala ngesi ebe apotu kesi kitolototo aingic kitoni ne alemunere lu 94 kosodete aitepesen kesi kanu aicuk amumu.
Eyatakit ngesi ebe apotu itunga lu kicukoto amumu, kotemwan lu Asuret, ka Kamuda kitepegitos akiro nu alimorit erionget lo aseo Naikanyet kede
Naemukaaga, itogoi icie kotem Kamuda kes ebe apotu atumunak lu icweata, akaulo na alimorere Aeku kwape lo atubit kotoma aseo naka MP.
Asean ediope lo ajena kwape Joshua Elobu nges abu kolimok Aicerit ebe engarenit Daniel Eigu loko FDC kotemwan luko Ocokican kede Kamuda kede aseeta 2000.
Daniel Eigu loko FDC nges abala ebe eroko kelimora akiro nukotem Asuret nu ebe apotu kodolutu iwali akwap Naikanyet, ebe engarenit ngesi kede abootin 2100 kanejai Aeku kosodi 3000 akonye ke Samuel Eninu.
Emamei ainapakina ko Solot!
Kodumak aidules acie otoma apapula!
