Erimaad ekooti ‘esiolan’ ikiliok


ETAMA PIIT: Moses Aisia ngon okiding emeario amubusu kanu ebe aurumikin etelepat
Sports View Hotel 730x31 Ad

BUKEDEA – Karaida esubit Lokasuban angor kanu aijaanakin ikiliok konye ko Bukedea, erai atayo.

Ekooti lo adoketait Nasodit ko Bukedea nesi eraasi 30.04.2021 abu koremo lo alimitai ebe erai lo esiolan lucie ikiliok kotoma omusaago lo anyaritai ‘aidadaaanar lucie ka auruminikin aisiol lucie (Aggravated trafficking in humans and homosexuality), ido iledo aiwadikaet na emusaago kalo onaabai CRB 19/2021, luko polis.

 Ido ebeit ber lo aikany ikwamin toni 12.05.2021, nekonye enyaraunere emusaago ke akonyen nuka atubon lo apolon (Chief Magistrate) kanu apupio ke.

“Ijo Moses Aisia lo ikaru 46, ngesi itoosatai kanu aitosom atorob, aibu keda aisiol Barasa Livingstone, lo arai ikoku yen idari ijo olap loiuniet kalaije ko Omugurai Oswapai ko Bukedea Town Council, ido ejukari ber eong ijo orimaada idararoi atubon lo apolon apupokin nukon, naarai edit adoketait ka kanu aipup emusaago lo,” abala atubon Juliana Kimoyo, ijukari Aisia aidaris kodusaun etaun etau kobala kau da bua.

Aosan ingarenikinite epuliida lo apugan, Henry Yoga, nesi itacaunit ebe, abu Aisia ber kogeunite akiro ke keda Barasa, keyangau Amusugut na emojongit noi, kosodi aicorakin Barasa ebe apero keda amojong, konye abu esapat koyongik Amusugut naarai ebe ariakasi keda tataake.

Abala awosian ebe apaaran na atupakini, abu bobo Aisia koyangau Amusugut na pese, okoto ti koperoto keda Barasa, konye abu esapat koyongic naarai mam ajeni epulani ke Aisia, ibore abu kosub bala abu kitakadik Aisia kosodi elope ebe alomakin airog Barasa konapite ataulo Elimokinit epuliida ke ebe; abu Aisia konyunyurikin keda abuikin aisiol ngesi akituk toni ailediledar keda akip nuka ikiliok, itukurianite da ebe, ebuni aikangas ngesi arai kegiroki nuke.

Kengetakinos ngun, Barasa Akaulo na epuliida Yoga, aisisia afailo ke Barasa ejok, abu konyarau lu iyemuto oyapesi ke kanu aikeun asilianut ke Aisia, abu ngesi kodaunite apak na ewoja iworot efailo ke Barasa konye abu kiyap aitodol konye ne bian Erimaad ekooti ‘esiolan’ ikiliok elimokinit epuliida ke ebe, abu Aisia kisumunik atacar ngesi sh10m, konye abu kogir alemun aitodol ne adolokinia ngesi agangat naka apolis, neda bobo ebucitor emusaago aitolitoluun adaun nepetai ilapio iyarei.

4/ OPEDELEI 5, 2021 ne atakanunia afailo ke Barasa keda ngesi aicorakin aikamunio ke Aisia akauloa na airereor ejok.

Abala Yoga ebe, Aisia ngesi iwosiatos bobo esomak ke kanu mam atacar iropito luka kec adaun ikaru iyarei ido, apaaran na ekamunere, ajai abunore apupokin nu eworotor ngesi ekooti kanu emusaaga lomam atacar esomak ke nepetai sh32m.

Eyatakit Yoga ebe, abu koraun arereng adumun edaunitai aitutub efailo ke Barasa kanu apupio, aitodol ne ekamarere agolokin polis nako Bukedea.

Konye do Naikanyet ecopi aipup emusaago ke, Aisia ngesi abu komonyak ekooti ebe; kocamakinai ber ngesi da alemun epuliida ke kanu abwoikin ngesi kotoma akiro kanu naarai mam elope ajeni aidules na akiro nu ekamunere ngesi.

Abu kilipite da ikopakinai akiro kere nu imarimaritai okiror ke konye abu atubon kogir apupokin nuke kobala ebe, emameotor keda apedor na aipup imusaagon lu asilianut, dimarai ekot korai akanin nuka kalo apolon ke.

Aisia ngesi ejenara ko Bukedea kwape olope esomero lo Apolo na Angor, lo etolomu apesur kotoma aijen na aicak acalaanin, aidony keda iboro icie.

Ejatatar keda adekis na enyaritai Holly Innocents Hospital na edukokitai otem lo Kamutur. Barasa elope akuan, ngesi mam ajai okooti karaida ajai epuliida ke ido, Aisia da ngesi amamei epuliida ke okooti.

Apolon Raymond Ekoel, lo elomunit ko Oswapai ne alomunitor Aisia, ngesi imuarait keda aimor aswamisioit na ayangau Aisia Teso kobala ebe amuna ekiror lo Iteso.

Pac President Museveni ngesi abu kongerok ekisil lo ikiliok aitepa bonik.

Ekisil lo aitepa lo etolomunio okaru 2014, nesi itacaunit ebe ediakari etunganan aibil ekisl lo karai ketiro aiboisio nu aiyeyea na itunganan karai kitolomiki akiliokonut ke kau karai aituk na itunganan lo erai kangesi egese ediopet, ido ebe karai isisiaun kodoco ebe isomauna ngun, eponio aiwen itunganan ngin toni atwanikin amabuusu. Kanukangun inguit Aisia aterakin okisil lo

Karai imina ijo iyemuto lu, komorata keda lucie itunga.
Previous Ecum K’kwi 1500 ekato lo ekorona
Next Akodar ekearit loko UWA okooti

No Comment

Leave a reply

Your email address will not be published. Required fields are marked *