TANZANIA – Ipaapa Francis nesi Naemukaaga abu kotiaku ikadinols 13.
Kokanisa loka St Peter’s Basilica, apotu lu aponi kosekunai okukonokinos akeje ke Ipaapa lo abu kitanapanak akopiiran akwes kec.
Ipaapa lo kwana adol ikaru 83 lu apolou ngesi abu kinyonyoinik arereng
ne ejaasi ikadinos luko Italy, Malta, Philippines, Chile, Brunei, Mexico kede
United States.
Aitolomunio naka ekadinol losodit lo erionon loka Amerika kede icie
da nesi ebelia aijulakin naka ekanisa lo ejatar ka ikuristaayon 1.3 billion.
Itodunit bobo amina naka Ipaapa ne ejaasi akwapin nu ipu itunga lu eroikitos ican. Archbishop loko Washington, Wilton Gregory, ngesi abu kolimok arotak iyemuto ebe, arai ngesi awanyunet kwape araunor ngesi
erionon losodit ko Amerika asekunio kwape ekadinol.
Agwun ne asekunere Ipaapa lo elomunit ko Argentina okaru 2013, nesi losodit atiakun ikadinols 95 lu itetiak.
Ngul lu abu Ipaapa Francis kesi iswamaunitos ikandinols lu ipu lu ejaasi
kwap na ikaru 80 lu ebeit asekun Ipaapa lo ebuni aburokin lo ber ejai omakuk.
Ebalasi ipiriotin ebe, aswam ke Ipaapa nesi ejai aijaikit akelesia naka Atuli
icasit, komam esei ikur kobale ido komina ayuarit itunga lu eroikitos ibakor.
Ikeunit ngin itunga amuno ebe, emina Ipaapa aiyatakit aswam iboro ke kitoni ne etwania elope. Kotoma asuban, abu Ipaapa kicorak ikadinos lu itetiak aisac aijodorio kane ejaasi aswamisio nu amutonu.
