Na Ewadikan Aicerit
Luce ifaamun araibaat luce aswamisinei nu akoru kanenicie nu itolomete iboro kwa kalu itolomi ijo kesi ipedori atemar ebe ilaaganete kede ijo.
Kanu ijo aitelekaar kesi kotoma aitolom iboro, mam ilosi omuron lo atagoro amoote elit lo amio naarai emamei elit lo amio.
Acobeu ekoto ijo adumun kane ejaasi ipirioitin lu akoru.
Ingitakin ber ijo bon elope ebe, epone ani ejokunar araibaat eronar eiswamae ofaamu kon itiriani kede luce ifaamun.
Kanu ijo angicakin bon, iyatak aingitakin kwanata;Owai lo adumun esokooni, ingitakin ebe, anibo aitegelikinet ejai iboro lu itolomi ijo kitiriani kede lu itolomete luce ifaamun? Aticepak owai lo abures ka aila ingarenitos lukon.
Arai mam ingarenitos, anubodo ebeit ijo aswam tetere lukon iboro ingarenete?
Anibo akiro ejok ijo aibwaikin ofaamu kon tetere agwelak epote agwelet iboro kon ailanyit epone lo egweliata ofaamun kaluce?
Idobo irotin ani itolosio ijo aingic akiro nu ikamunitos esokooni?
Owai lo itiaisinei, kiwadik iboro kere lu itolomi efaamu kon ido ngaren naka kangin ibore, ibwaik etiai lo igwelara.
Epone ani abu ijo itutubio etiai ngon? Itutubi ijo koseseni inyo?
Konye etiai ani epatanikit agwelak? Idobo luce akoriok etiai ani itatacete kanupo iboro kwape kangupokangun? Biai inyakakini etiai kon igaraaman lu aitolom iboro ngun araibo mam? Arai mam, anubo edolit ijo aswam kanu ainyakun igaraaman kon? Idobo agwelak kon itataci ijo kesi eirian araibo icie ijesuni ijo etiai ido icie ikeikini ijo? Kanubo inyo?
Dobo ejaasi iboro lu ikoranari ijo titai? Arai ejaasi inyakakini bo ijo biai igaraman lu aitolom? Iboro ngun ikoranari ijo titai iwadikai ijo kesi da aiwadikaeta nu efaamu? Arai mam ijo iwadikai iboro lu ikoranari titai itodai bodo ijo atwaniar na edumanakinete iboro lu atitai efaamu kon biai? Ido itacakini ijo atwaniar ngin biai?
Idobo aikopa, ikopaanari ijoda iboro? Biai idari ijo aiwadikaeta nu apesenin? Nepetai itunga
idi ikopainikini ijo iboro kotoma apaaran adiopet, esabiit arai elap?
Biai etacenenete kere araibo icie mam? Atwaniar na etia ai adumakisi apesenin numam etaceneno efaamu kon?
Aboisit na ejai efaamu kon
ingitakin ebe, aibo esipor efaamu kon, osiep erot lo apolon araibo awai ne etionor adolore osokoni?
Idobo eiduka lo iboro kwape nat ikee, ikinyom, imelekes, aisiketa nu iraan ka icie da, elwana araibo eyapiei kede ne ejai efaamu kon?
Epone ani edumununa efaamu kon iboro lu ipudai atipe kwapenat ekadata lo ikinyom arai ekia esawa lo aswam?
Anibo ainapeta ijaatar ijo kanu awear akiro otunga ebe ejaasi iboro kwapenat akile, abee, esirokoko, ipooi, emucuga emakada, isorokana, aculoi, ikorwa, ipegei, ao, itage, ameegi, abogoyan, ka icie da egwelaro ofaamu kon?
Aibo iboyoto agwelak iboro ofaamu kon? Epatanikit arai bo etiono agwelak abunore ofaamu?
Anibo ainapeta ijaatar ijo kanu adumun agwelak icie tetere enaaba agwelak iboro ofaamu kon iyata,
Idobo anibo ainapeta ijaatar ijo kanu awanyun ebe iyalamasi agwelak egwelete iboro kofaamu kon apaarasia, isabitin, ilapio kere.
Biai luce ifaamun lu ilaganatar ijo, epoloete araibo ejaasi aibong kwap?
Epone ani isupuna ijo agwelak lu ofaamun icie abunore agwelenen iboro ofaamu kon?
Itirian efaamu kon kede luce ifaamun lu ilaaganatar ijo kakiro nuta ; a)ajaut duc naka iboro lu igwelanari b) aila naka iboro kon c) itiaisinei kon d) aila naka efaamu kon e) epatanikit agwelak adolokin efaamu kon f) anubo akiro ebalasi agwelak ikamunitos efaamu kon ka iboro kon.
Kangin akirot okweta arai ingarenit ijo, arai iputosi yesi, kede arai ejai lokon efaamu kau kakwi.
Aso osesen akwetanareta kon. Ne iputotor yesi kede ne ijaar ijo kau kesi akiro nu ekoto ijo aitojok tetere iyata enaaba agwelak ofaamu kon.
Kwangin epoloi efaamu kon ido itelekaari luce ifaamun lu ilaaganatar, ibore yen ayauni ameda toma akoru kon.
