Epiru ca NRM acoa na ibwokia Soroti?


Epiru ca NRM acoa na ibwokia Soroti?
Sports View Hotel 730x31 Ad

Kanu aibwok Soroti, aseak lu obuku Dakabela ko Soroti distrikt kesi ecorakin aibumakin aise abwaak lu eboloboloete kotoma opate loka NRM ainyam icolongo kere.

Engarenok luka NRM lu adoketa nu egelegela kesi etolomunete nu Naemukaaga araasi 5.12.2020 kotoma aurianeta nu etegeara MP lo obuku Dakabela, Cosmas Elotu nepepe ka abwaak luko opate loka NRM kangina aisup aseeta aseo na okaru lo 2021 – 2026.

Aurianeta nu kesi etolosio k’ocaalo lo Olumot, Cheele kede otaun lo Achuna, Tubur. “Esialamikit eong yesi kere kanu ayangar eong airabet. Awomit eong ebe ti esunyak aswam konye apoloor aswam.

Elipit kinyakasi eong kangetak epelu ka,” abala Elotu. Eyatakit ebe; “Ijai oni alomar aseo. Konye aseo lolo na, ejai eong arereng noi; Flag bearer naka NRM kanu MP naberu, erai na elomunit oni kane kobuku Dakabela. Kengarakinos aseutu Amigo.

Kosodi ejai bobo oni arereng naka LCV flag bearer. Aseutu Edoru. Mam erai naarai erai ngesi ikoku yen ore, konye naarai erai NRM.” Abu Elotu kisumun itunga luko Dakabela adukokin etem Tubur adekis, irotin ka aikod akim airiam icaaloi lu obuku.

“Eong kede yesi, mam eong ajeni ibore itiaki oni. Eringa ebuku wok edit noi akoto eong aupasi kede yesi. Eong bon mam apedori. Konye akiro nu akim edauna, erot ebeit apugan aikopar aswam.

Akiro nu adekis eponitos. Apak nesi akad oni konye kotoma okaru ikany lueponitos, adaunitosoni,” agata MP.

Aupasi Elotu kede Jesca Leah Amigo na eboloboloi aseuno kwape MP naberu ko Soroti distrikt, Simon Edoru Ekuu lo ineket eicolong loka LCV katikit naka NRM, na ebwoi k’atikit naka NRM kanu abwoikin Tubur kede Katine kodistrikt, Rose Tino, Bob Owiny lo imuit araun ekansila loka LCV ka akansila, Leah Acen na oitela Achuna lu elipit ngesi itunga kere aseun.

“Akoto eong ailip yesi kere itunga lu Achuna, luko Tubur asekutu Hon Cosmas Elotu. Mam erai ebe naarai erai ngesi NRM konye kanu awomisio ke. Karaida irai ijo FDC, NUP elipit ebumakinos! Aseutu Elotu kanuka MP,” abalaBob Owiny. Kosodi Amigo ebe;

“Epol Elotu aswam. Elipit eong ebe komanyakisi Elotu Amigo tetere irii Amigo aipany, irii Elotu kuju.” Apolon eicolong loka NRM k’otem Katine, Joseph Eceku ngesi abu kolimok itunga luko DakabelaakwamakinElotu, Amigo kede President Yoweri Museveni abootin tetere ebe ePresident iswamaikini kesi ibore yen ejok.

Ekansila Robinson Edweu lo Tubur T/C ngesi abala ebe; “Engarakisi Elotu aidak ebwoko naarai ngesi bon ko Soroti distrikt kere erai MP kopate loka NRM.

Aseutu Elotu tetere kijaikini Museveni apak aseun Elotu araun eminista. Aseutu Amigo kosodi egura loka edistrikt, ejaiksi Edoru.” Eboloboloete Amigo ka Anne Adeke Ebaju (FDC) na Asuret ka Angelline Osegge nako Gweri na ebwoi kwape abonipe.

Edoru ngesi iliakete kede Jorem Opian lo Gweri (Obonipe), Daniel Ewadu ka Calvin Elenyu lo Asuret lo ekurededet kwape obonipe. Ikwaiki nen, koyai NRM Soroti.


Karai imina ijo iyemuto lu, komorata keda lucie itunga.
Previous Ajepa Teso Co-operative Union iuni
Next Acuriar luko IGG kanu ‘amodokok’

No Comment

Leave a reply

Your email address will not be published. Required fields are marked *