Akoriok kotem Kakures ko Kumi distrikt kesi etolaete akio akaulo akoru emucuuga aicum kesi itauon kanoinoi kowai lo amamus na esokooni.
Inerasi ka ewadikan Aicerit, akoriok kesi abalasi ebe, ageun ne akorakinere kesi ikito lu emucuuga kosodete kesi aipal amisirin kec, atuboros ikaru iwongon komamei itunganan yen imedaunit kotoma akoru imucugai.
William Obwatum, apolon eicolong loka LC2 koitela Kakures ngesi abala ebe, mam ngesi ebuni aicanican apak akoru imucuugai naarai emamei esokoni ido ikee da emameete.
“Ejaasi ikee da erai lu epol ebeei noi. Mam isio akoriok luko kwap ipedorit egwelet.”
“Arai caat ekoto apugan ingarak akoriok kede ikee keda amoikin esokoni konye tai eong edolit akoru ikito icee mere emucuuga” abala Obwatum.
“Mam eong aomi ikito cut kotem. itei ber ijo ikito ngun ikote nen. Iyalamikin ijo kwape akorion cut? Icanicani apugan apak mam eong aomi ba,” abala Obore Juventine.
Bosco Oboi ngesi abala ebe, ekot apugan ijul iraan lu ekorakinio itunga konye mere imucugai cut, mam eong apedori aomere imucugai abunere aitumor amisirin ka ejok do eong akoru emuogo amisiri ka mere emucuga
Eyatakitos ebe mam ber ijo iwanyuni esoman lo apugan da ebuni aisisianakin akoriok.
Pac eminisita lo eyait akiro nuka apuganasia nuko kwap Hon Rafael Magyezi itegeari akoru na erot ngesi abu icorak itunga lu kotem Kakures aitegear aitolom iboro lu engingaunete enyadu toma okalia kec kanu aitiji ibakor.
