MBALE – Kotoma aiboisio nu idunyasi ka angololin arai icorin, edia lo ecor nesi amisirin kec. Erai nen emaniata kesi eipone edio kere lo aijar.
Nepetai ekaru ediope kokau, abu apugan kipiru acoa na ayuar icorin tetere egaria ka ikole epoloros akaulo aimony aipelun ebe, mam alokak edeunenete kitoni edia loecor lo edit.
Kibuyaikin ajore aidar icorin, koduun aimony ebe, ebungaete isirikalei itunga kede ayaranar icie da. Kengaar ecor, aponi kigirakinai ikisila lu ailok kaimoriarit aiwadik atakerin kede aitiban nu ecamakitai alokia.
Kede aimony ngin, alimor bobo President Yoweri Museveni ebe, emina ngesi alemar ajore naka UPDF na ejai ocorin naaraiebe, epelunos aingiseta nu itoronitere lu ajore kanu ailakina aidukurit ecamusana.
Isupi aseeta ko distriktan luko; Kamuli kede Buyende Kanaemukaaga, ebe ejukakitai ajore aitalaun akiro nu amodokok kotoma ocor konye erai bobo aiturur ebe, eilakinos icie kalu ayuara aicirunun apiyai kane ejaasi itunga. Abbala ebe, ageutuicie lu ayuara acamakit alokak aitwasam ailok kede iboro lu mam ecamakitai.
Eyatakit Museveni ebe, mam ejok lu ayuara abilibil ikisila lu ijaikitai kesi ayuarit ido ebe, erai aronis na epol lu ayuara aicasit aicu apiyai kane ejaasi itunga lu ebeit aimedaun kane ejaasi agaria arai ikole.
Ebeliarit Museveni ebe, ebeliasi iripotan iponesio lu ekisioto lu ajore lu idarete ecor apiyai ido ebe, abongokisi lu ipu araun alokak edia lo ecor konye kitegelikina aswam kec.
Abu kilip lu ayuara aijal ailakina toma aisubis na edia lo ecor konye kiitutu epelu kec lo ayuarit icorin. Eyatakit ebe, eponio asubun itiimun lu itunga kanu alemar ajore k’ocor.
