TORORO – Agwelanarak lu ipu ko Tororo Central Market kesi elairakisi ailung aseo naka eingarenone lo esokooni kanu ebe, aitolutoluna naka ainapeta nu epesikitai toma akiro ngun.
Kotoma ainapeta nu edumunitos arotak iyemuto, kanu agwelanaran apedor adumun arereng na aikwet arai abolobol kotoma aseo kangin, ekoto ngesi kodaunite aitac apiyai nu aipagis itogoi ke lu agwelanar ido kotacite sh40,000 kwape adokon na mam inyakakino.
Ainapeta ngun kesi etepegitos agwelanarak kotoma apak na atamitere aitetenar ainapeta nu aseo kangin.
Arai apedorosio nuka emunicipalite kesi ajaasi aitam aitupucikin agwelanarak ka ainapeta nu egirunitai kanu aitolot aseo.
Etoronitos agwelanarak eyaitone loka emunicipality kanu aitolomun ainapeta nu epote aigalior itunga lu ipu awai kotoma aise arai aibwo kotoma aseo.
Ejaasi apedorosio nuko Tororo Central Market akote aitolot aseo na ebuni asipokin eingarenone lo itemonokini ingungeta kotoma osokooni nepepe ka aiketakina einer kanu aikeuno na apedorosio nuka agwelanaka lu ejaasi osokooni ngol.
Karaida ikote akiro nen, adau emunipalite aitolomun nu ebeit aswam kotoma aseo kangin ka apaarasia nu ebeitor aitodolikin ngun. Itolosio aseo 30.08.2022.
