Eipone eretar abotet naka LC3s ko Katakwi


Eipone eretar abotet naka LC3s ko Katakwi
Eipone eretar abotet naka LC3s ko Katakwi
Sports View Hotel 730x31 Ad

KATAKWI – Kijukasi eong amoikin yesi abar kotem.
Abuni eong araun eporoto kus ido aiteten; irotin, asioman ka angaleu, eraasi ebur lo apeleikineta ka!

Eipone ngol nesi eneratar abwaak lu ekilasi aidak emendera loko NRM
kadoketait naka LC3. Erumitos ineresinei lu eipone kangol ikwamin luko Katakwi eroko itunga inamakina opurian luka abwaak Naikanyet eraasi
18.09.2020.

Ilidiokitos aituk abootin, apotu abwaak kicakasi irotin lu amutoko kere kanu atubitoi ocaaloi atamit aijodijod aseak kodapitos emendera.
Kitoni anya da, esubit bala apotu komisiikisi euria lo kangin abwaan naarai arai tupuruc sek kocakarite abwaan aisuka naarai etukaete akiro nu abootin etau.

Kotem Katakwi, abwaak ikanyauni kesi apotu kidolakisi idabadai. Araasi Benard Ogolot, eyengunan kotoma aisisianakin, Simon Peter Ariko, Cons Imunyos, Charles Oriokot, Gilbert Akwang, Moses Eciis, George William Olupot ka John Robert Iisat, kesi etukulaete eisupane.


Kapaaran Naikanyet, arai apolokiton aseo aigetar eporoto kijanganainos
abwaak ebe, “aibodo ebei imalo?” Abu Ogolot kipurik abolobolok ke ecoka kwape apotu aseak 1939 (29.0%) kigengakinata opura ke.

Abu Ariko korarapu aseeta 804 (12.0%), Imunyos – 506 (7.6%), Oriokot – 614 (9.2%), Akwang – 837 (12.3%), Eciis – 548 (8.2%), Olupot – 1318 (19.7%) kosodi Iisat airaraun 131 (2.0%).


Ko Ongongoja, abu John Peter Imalingat kipunupun James Okwi akaulo akakan aseeta 4546(74.4%) kodumuni Okwi 1568 (25.6%).


Mam akiro apataka ido kotoma otemwan 20 lu ejaasi Katakwi distrikt,
itemwan 5 kesi bon apotu abwaak ikekeunos komamei yen itepegit.

Emmy Ojirot ngesi abu kilepun kotem Palam, Harmans Ebele ko Usuk Town Council, Jorem Obukui kotem Akoboi, Amos Otim kotem Guyaguya kede Charles Ikabat kotem Okore.


Kotem Toroma, abu Ben Kizito Obwalinga kirukum emendera ka aseak
245(45.3%), kouriakaros ikokoron kec ka John Bosco Orani ka Bosco Ojaramo lu apotu kodumutu aseeta 1969 (43.6%) ka 497 (11%), kangin idiope.


Emmanuel Elungat ngesi apotu aseak 1187 (31.4%) kijaikisi emendera kosodete ailung Richard Okwi – 476 (12.6%), Silver Imuka – 1111 (29.4%) ka Peter Okanya – 1010 (26.7%).

Kotem Amusia, Vincent Okwi Saviour ngesi abu okakau aseeta 2133 (73.9%), koceduni Benjamin Abunyang 613 (21.2%) ka Gabriel Okiror aturiakin 139 (4.8%) Asisi akiro kotem Angodingod kiding John Peter Otim ka Simon Peter Omacar kotoma apaarasia nu aisup aseeta ido mam apatana ajenun itunganan yen apol arereng na aidak emendera.

Esawa lo alimorere abootin nesi epilicunor Omacar kwape elope emendera akaulo adumun aseeta 1375 (53.4) kopesi Otim ekomio ka aseak 1202 (46.6%).

Alex Ongina lo kwana akusia kotoma airanyanar ngesi bobo aponi kitasalai
adakit akududu ka aseeta ke 1088 (24.8) kotem Getom kimurokini aitelekaar emendera kane ejai Benjamin Odeke lo abu kopedo atukun aseeta 1895 (43.2%) karaida atamit Peter Okode Onyait asiya aseak 1399 (31.9%) kotoma abolobol kangin.


Kotem Kapujan, apotu aseak 3744 (67.0%) kopedosi aremokin Michael Erimaut omendera, kosalete Godfrey Aten –1618 (28.9%) ka Elias Okiror- 230 (4.1%), itururuete.

“Einer abeit ka amina na itunga kesi etutubete eong,” aola Zadok Akutu,
lo aponi kolimoroi kwape adakan emendera ko Katakwi Town Council kwape LC3.

“Karai etema Lokasuban ebe, lolo ber erai Zadok ebeit arereng, Ingai bodo itepegi?” abala Akutu lo apotu aseak 779 (72.9%) kodilokisi aikopakin
emendera, akaulo aimugole irwan ipu.

Alimorio na Akutu kwape elope emendera nesi abu kojalak Simon Peter Senoimakakina aseak 146 (13.7%) kolidite Robert Deogratious Malinga da 144 (13.5).

Inerasi ka Aicerit, abala Akutu ebe, aisumuneta ke nu aiteteun; aila, asioman kede adumakin Katakwi Town Council adekis, kesi apotu aseak kisimaasi.

“Elemete itunga esolo kosalite etaun imodokok bala ememete engarenok. Erono ibore ngin noi konye amuno eong aitetenaar arai ijaikin ijaikisi eong aseak arereng aijaanakin kesi kwape LC3,” abala
Akutu, kitacaunite ebe, adau ngesi akapakin apietar abolobolok luka ipatei icie kotoma aseo na awasia.


Karaida ecuro Akutu konye Seno, ngesi mam acamunit ebe, abu kibiror kobala ebe, mam aseo etolositai ejok ko Central Ward, Angopit kede Katanga.

Benjamin Odeke
Benjamin Odeke

“Erisio itunga lu mam eraasi lu otaun council kede amotokan ido ebongonokitos itunga lu ipu aisek,” abala Seno, ikuna ebe, “ajatar eong ka egangitok lu adeparitos 20 ko Katanga. Oipone bodo ali apedoria eong adumum enooti aiboisit kangin?”

Karaida ijaikit epate loko NRM Seno apolokit aweo naka iyemuto luka epate
ko Katakwi, konye ebeliarit ebe, ebuni ngesi aibwo kwape obonipe arai mam erionget lo aseo ko NRM ikisari abootin nu aponi kolimoroi.

“Kesi kwana ejenete arai elemarete eong konye asali ber eong egangit ainapeta nuka epate kwape ejaikitere eong,” abala Seno,

www.aicerit.co.ug

konguriani ebe, “ejatar Angopet ka itunga lu edeparete 1000. Arai nen nesi ebur lo abootin ka konye mam aponi kitolotoi aseo kanen.”

Eyatakit ebe, ekot epate aijul eipone lo aitolot aseo naarai emunamunaete
ayaitok aseo eipone lo ibusakinitor aseo alosit ido ebe, abu akoko kideleleu.
Malinga ngesi abala ebe, “mam ber atei bala arai ngin aseo da.”

Kotoma LC3s lu ber ejaasi oyapesin, Patrick Eria Emongot lo kotem Magoro
kede John Francis Otude loko Ngariam kesi apotu aseak kopietasi.


Abu imalo kirum Emongot kotoma abolobol kangin akaulo Victor Odil apedor airukum aseak 814 (44.3%) kitirian kede nuke 68 (3.7%) bon.

Williams Teba Obukor kede Richard Okello kesi bobo Atamitos ti aiyapiyapakin Odil akaulo atukun 243 (13%) kede 711 (38.7%), kangin itunganan.

Abu komen Otude ayuar emendera kane ejai Moses Iteit lo abu okakau aseeta 2272 (51.0%). Atamit ti Francis Adikau acedakin emendera akaulo atukun aseeta 882 (19.8%) kosali Otude itumoro ka aseak 1297(29.1%).


Karaida ikote akiro nen, Otude ngesi adau apesikin angurian ke ne ejai eyaitone lo aseo kobala ebe, ekokotai aseo.

Eyaitone lo aseo ngesi abala ebe, adau Otude alimor ebe, ebwoi kwape obonipe.

Winnie Rose Akol ngesi bon aberu, abu kopedo aicak amariaun emenderak kane ejaasi ikiliok kadoketait naka LC3 akaulo akakaun aseeta 479 (43.4%), aisurum; Sirus Ideya lo abu kodum aseeta 78 (7.1%), Charles Okudi, 298 (27%) kede Richard Opesen – 248 (22.5), ileic.

Kotem Magoro, abu Francis Aruo kodetu emendera ka aseak 4457 (75.4%) kosali John Peter Emuron ka aseak 1457 (24.6%).

Simon Amaitum ngesi abu kimaimau emendera lo Okulonyo ka aseak 2605 (65.0%) kosodi John Otengei aidapidapakin aseak 1401 (35.0%) bon.

Kotem Omodoi, imongin ikany kesi aterakina oisawe John Aporu aporokin
emendera ka aseak 1432 (46.2%). Moses Akori ka aseak 600, United Oluo – 368, Simon Okwaput -569 (18.3) kede Joseph Koluo – 133 (4.3%) kesi abu aiturur koseku.


Patrick Imeri, apolokiton aseo nako NRM ko Katakwi distrikt ngesi abala ebe, “mam aseo na aputosi ka na MPs ka LC5s.”
Eyatakit ebe, abu eigur bon kipelun k’aseo na ikansilan lu oitela, ibore
abala ngesi ebe, ekot itunga aisac, kilipite eyaitone lo epate aitetenar ne epungit.

Karai imina ijo iyemuto lu, komorata keda lucie itunga.
Previous Aremosi ican angor aidaisia
Next Emodimod Kumi aseo

1 Comment

  1. 694280 761590What a exceptional viewpoint, nonetheless is just not produce every sence by any indicates discussing this mather. Just about any technique thanks and also i had try and discuss your post directly into delicius but it surely appears to be an concern in your blogging is it possible you ought to recheck this. thank you just as before. 546401

Leave a reply

Your email address will not be published. Required fields are marked *