Iswama kwa abalar eong mere kwa eswama eong! Ejai ainerasit ngin ido esubit bala erai na esipo kaidules. Kanu ajenun ngun, erai ekimat ediope loko Pallisa ngesi ejeni aidules na ainerasit kangin. Rev. Abraham Osire ngesi aridakisi apedorosio nuka ekanisa lo Church of Uganda kitoni aitwar kotoma aswam ke. Mam akiro nu aseo eraasi nu edisiak! Eraasi ngun akiro apotu kiriikisi ejakait lo ekanisa toma oitelesit. Itoronitai ngesi kanu ebe, aidulokin toma akoko na aseo kotoma apak na etolosio Uganda aseo na engarenok kotoma adokena nu egelegela. Atakanutu nu akaulo na ebiina lo ikuristaayon lu asukitos ireetin kolomunitos kobuku Agule keda Gogonyo abelakin oyapiesi ke Archidecon loko Pallisa ilipitos aitwobwouno ke Rev Osire olutari. Ebina lo ikuristayon lo nesi etoronit Rev. Osire kanu adulokin akoko aseo kotem Akisim ibore yen ebe, abu koyangau amumu kiding aseak. Eyatakitos bobo ebe, Osire ngesi alomaki aisipaper ipesur kotoma okanisa itosomai ekiror lo araunit engarenon lo ekanisa. Rev George Okiror Etiang Archidecon ko Pallisa ngesi abu kitigogong eripota lo kobala ebe, akaulo na adumun angurian na epol noi kane ejaasi ikuristayon, abu eyaiitene loka akanisa kiboikin kanu airerior akiro ke Osire. Abala ebe, ngun do aponi kitutubere alemar Osire kotoma aswam kanu aigur aseo ka aicuk amumu pac. Eyatakit Etianga ebe, Osire ngesi okaru 2012 bobo abu ekanisa kidotorite kotoma aswam kanu aurikin ipese. Arai ngin apese na amina aijirijir aiwo kotoma okanisa. Edumunit Aicerit aiyeya ebe, okaru 2019 nesi bobo ejaikinere Osire arereng na abongokin aicur eijiri ne ejaasi amerekekin kotoma okanisa. Aponi ebe, kijularai ngesi alosit Tororo konye nen da tai! Ebalasi ikuristaayon ebe, arai aumokin awanyun bobo Osire ebonguni aigur aseo na abeitor ti ngesi araut etunganan lo esinapikinan. Ebaluwa lo ewanyunit apapulai na lo idokokit ebishop lo Bukeddi akan nesi Icorakit Osire akorar eyapiesi ke katipet. Konye karaida igirakitai Osire ebaluwa lo aijal eyapiesi, mam ngesi ecamunit akirosit na kere kobala ebe eipone lo eutar ekanisa aidotor ngesi aswam. Anguriani elope ebe, erai ngun iponesio lu atwalatwal ekiror ke. Osire ngesi abala ebe, mam ngesi icukit amumu ka akoko aseo konye arai ngesi esoman loka orionget lo aseo lo ajai aitolot aseo kotem Akisim. “Mam cut erai kwangen. Auta eong elopet aitolot aseo kwape epelu ka lo erionget lo aseo,” abala Osire. Kanu akiro nu asukonokin aisipaper idwe lu kokanisa, abala Osire ebe, eraasi ngun nu amutonu. Eyatakit ebe, arai adiope apese bon na abu ngesi kourik okaru 2012 ne abu ekanisa kirusia ngesi kotoma aswam. Mam airusio ke Osire ejalakit ikuristayon kede ainapakina. Lu ipu kesi irumitos ileuc naarai mam lu ipu ejenete eipone ejaar ajokit airum ekanisa. Mam erai ngesi bon edoikitos akiro nu aisiol akuristaayon. Pac apotu akiro kobwangunos nu etoronitere Rt Rev. Stanley Ntagali kanu ebe, ademakin engarenon ecie lo ediini aberu ke. Mam ber ejena apak na etubokitai Osire kanu ajaut toma omakuk lo aiyeng kanu aronis ke karaida abala ngesi ebe erai ngin aisab.
ReplyReply allForward
Karai imina ijo iyemuto lu, komorata keda lucie itunga.
