SOROTI – Kanaebalasa eraasi 8.03.2021, abu ekale kipurujaun ko Moru Apesur Cell C, SoRoti City akaulo John Okela, 48 angedenged aberu ke, ke Stella Amajo, 47 kosawan iyarei lu atupuruc.
Esusut lo akiro nesi ebe agirit Amajo aipo kwape araar apaaran na angor kobala ebe ebusakinit ber ngesi da ainyam atap okilonike loebe Okela.
“Erai lolo na apaaran kosi da ber kwape angor, isio ber lolo kesi irai ijaka lu okalia, akoto lolo eong aidut atapa kon da ber” alimuni ya.
Okela ngesi asubit bala adilokit etengei aicwe kwa emasia ajon ido aomit ngesi ebe ti idorokin ngesi ecaayi konye ekiyala nesi asiliori.
Okela ngesi abu okerik Amajo ti aimied konye abu Amajo oker kitoni otunga lu amasete ajon asiep na eree kec ebe kanu tii aitam adumun ayuwara konye mam apatana naarai adaunit jee ainepun.
Apotu itunga orurukata ti aitam adiekar lu konye Okela ngesi adaunit aimusung akongu ke Amajo ido awokot kesi ebulasi ror.
Akookec na apolon, Loyce Ariokot na ikaru 24 ngesi abu konyunyurikin noi kosodi akerikin abotet na ti kosodi aiwokaun Okela amaaran kanu adiekun totoke. Abu apaaran kipurujaun noi.
