KAMPALA – Eibworo bob ecie nesi abu kodiak abwangun akaulo na emya lokoKampala, Erias Lukwago, aidediar ko
Lubaga Cathedral, ejai ne elipakinere emoyo ke Arch Bisiop lo Kampala Archdiocese, Dr Cyprian Kizito Lwanga.
Ewadikan koosi lo Aicerit lo ayapei ko City ngesi abala ebe aponi kodakarai ngesi kinga akaulo na ailor koicolong ke itolosio emisa.
Lukwago, lo edecio kane agitakitai lu tiok ngesi apotu iyarei kingarakisi adakar kinga ido mam aijar ke ajok ido aponi kitorere ngesi okek lo itei ne iboyoto isaseredootin.
Akaulo atupiton ke Doreen Nyanjura, ngesi elimokit Aicerit ebe aponi okeriarere ngesi adekis ido akaulo kitojokarete ngesi alosite ore aiyengun.
“Naesabiiti ejai ailip okanisa loko Lubaga, lo Lubaga, kanu ailipakin Arch Bishop, abu Lukwago aijar ke kijangakin ido abu kilip etekeran amotoka ke ayangaar ngesi adekis nako Rubaga kanu awanyanario.
aicerit.co.ug | Na Ewadikan Aicerit
Akaulo na awanyanar ngesi aponi kongicunai ebe ejesara esukaali ke kwap.
Aponi kocedakinai ngesi amukian na atipet ido abu akuan ke kocam amukian. Konye aponi kotwarai.
Adau eong airekin ngesi ido ejai angaleu ke esipo,” abala Nyanjura.
Okaru je ne adedengar adeka naka Korona, Lukwago ngesi bobo aponi kokeriarere ka aiperikin adekis koibuga Nairobi ne enwakunere ngesi ka adeka na atubutubei eiyenga ka (Acute anaphylaxis), adeka na ebwangun akaulo na
itunganan ainyam inyamat lu mam ibecokina ka akuan.
Ijaikini ibore yen aijangakin na amukian na akuan ido ijililiuni akipi toma akuan ido ijaikini itunganan ariengun ido ijesun aibuka na aokot akuan itunganan.
Lukwago ngesi iyitunitai kanu aretokina keda apugan kowaitin lu ipu ido eseku President Museveni Jenifer Musisi kwapo aeswaman na apolon koibuga loko Kampala apol kesi aretonokin naarai mam ewai lo aswam kec ariakanara.
Aponi kotmai aidotor ngesi oyapesi ido edaunit apak na ewoja mam enyami eropit. Ido ne ajalia Musisi
eyapesi, abu Lukwago kibinak adepar engelerut ibore abu koinak ikapuak aumokin ebe arai lem ebok emadangit lo akonyit ngesi kiding oseet ido kotiono alemar.
Erok erauna emeya loko Kampala, arai ber MP loko Kampala kiding ido eturitai noi kanu aibok aomisio nu ekukup ibore ejaikit airabet edwar bala aliasit abac.
Eroko kitolosia aseo naka 2021, abu Lukwago koloma opate loka FDC, kejal loke lo DP, ido ne alimoror Kizza Besigye ebe mam ngesi ebwoi, apotu itunga kiteunitos ngesi kanu aburokin ngesi konye abu Patrick Amuriat kiliko aep kojaikinos do lukec Lukwago kau ke aicuk akimi na aseeta.
Kodumak aidules acie otoma apapula!
