Serere – Atukot na eyait akoriok kotoma akwap wok kere, Uganda Farm and Agro-Based Workers’ Union (UFABWU) nesi adau asipokin atenu kec Serere distrikt.
Atenu t na nesi nasodit ajaun Teso ido ebuni aibumakit akoriok anyoun ko kwap kitoni kuju neda emunore kesi aimedaun kodoco.
Eraun atenu na eporoto kec kowaitin lu t akoru kede aipit.
Kangeset na esabiiti lo atubor, ekodet lo ibwokit atukot na akoriok kede eswamak akwap wok nesi abu kipejok Serere kanu awanyun eipone lo asipokin atenu na.
Ejai eyapesi lo epol lo atenu kana Kampala ido korai apeleikinet amoun eipone lo aitetenar ejautene loka akoriok.
Kotoma aurianet na ajaikina osomero lo AGRIBUTEC ko Serere, Kakayi O.G apolon eicolong, k’atukot kana nepepe ka Nelson Wafana lo erai egirigiran lo apolon atukot na akoriok ka eswamak kesi apotu kicorakisi akoriok kede eswamak amisiikin ipelueik kec kotoma apugan.
Kowai kec itacaunitos ebe, “atukot na nes einakina aswam akiro kwapenat apegun itiaisinei lu egwelarere ikorion, aitojokaar ejautene ka aisisianakin imemban akiro nu agwelanar ka aiyatakin ameda ne ejaasi ikorion kec da tetere epedorete awakun apiyai.
Akaulo na aitegear atukot na ekomiiti lo ebuni ayait atenu na ko Serere nes aponi kosipokinai kede ainakin apedor na aicop aswam awanyun ebe, epote aikeun akoriok.
Lu aponi koseunai aibwok atukot na akoriok kotoma atenu kana ko Serere kesi emoriaritos; Christine Anyait Okello, apolon eicolong, George William Egadu, atupiton apolon eicolong, Chris Odeke, egirigiran kede Jane Frances Arebo, engadan apiyai.
Icie kesi; Jesca Aito, apolokiton angor, Moses Esiku, apolokiton atumunak kede Arnold Okiring. Moses Olepus ngesi ebuni ayait imusaagon kosodi Patrick Okello aidak akiro nu asioman kede aitutuonor.
Icie lu apotu kodakanasi iyapesin kesi; Joseph Okalebo lo ebuni arucokit etem Kyere, Silver Ecabu (Kateta) kosodi Rose Alado, abwoikit itunga lu engwalangwalauna.
Emunoi icie engarenok alomun kotoma otemwan icie.
Lu ekamu arerengu ainyam iyapesin kesi emunoi airam akoriok ka aisianakin kesi ebe ejok aibumakina atukot itia ailengokina kwape obonipe.
Kodumak aidules acie otoma apapula!
