Ecamusana: Engicio ofisas kanu apiyai


OKOCHE JAMES-IMANIMANI-AMISIRIN-KE
Sports View Hotel 730x31 Ad

BUKEDEA – Apedorosio nuka Bukedea distrikt kesi ejukasi etiimu loka erereok itaabon aigic eswamak lu kotem Aminit.

Pantas Okadel, engadan apiyai kede James Okohe, apolon etem, kesi itoronitai kanu ebe, aipikor aitacaun eipone lo itosamatotor apiyai nu apugan adaun ikaru iyarei.

Apiyai nepetai sh95m kesi ebe, mam ecai eipone itwasamatere.

Maira Muksa Joseph, ayaiton ajakanuto ko Bukedea ngesi etigogongit ebe, ejai angurian ngin oyapesi ke.

Eyatakinit aitacaun ebe, adaunos kwana ikaru 2 anyoun ne asekuna apugan ekontrakta lo edukokini acuuma na epaci emuceri otem ngol, konye toni lolo, karaida edaunit ekontrakta owaike, epiko Okoche atacar ekontrakta.

Erai Aminit etem lo etiono adolokin ido sh8.9 m kesi asipokitai kanu asipokin acuma na emuceeri.

Eyatakinit Mukasa ebe, edumunit ngesi angurian kotem Kamutur ebe, ewolioritos apiyai nu abeitor aitac Allowances nuka eswamak.

Geofrey Okiswa, RDC loko Bukedea ngesi abala ebe, eroko akiro nu apiyai nuko Bukedea, ido ilairat aridakin lu elimitai akiro kangun karai etakanu ajenanut.

“Adumununei eong akiro ngun anyoun kotem Aminit, Kolir, Kamutur. Mam erai apiyai ngun bon konye ejaasi bobo akiro nuka NUSAF da,” acela Okiswa, kitcaunite ebe, ebuni aikopar eripota ke ne ejai IGG.

Ebaluwa lo iwadikaikit, apolon etem lo Kamutur, Peter Amuya ne ejai eyapesi ke apolokiton ajakanuto ko Bukedea eraasi 12.07.2021 nesi ebala etodunit ebe, abu etem koinak amuno ne ejai Okadel kanu alosit aigadis naka apiyai.

Etacaunit ebaluwa ebe, ejukaritai Okadel alemun sh1,790,000 lu abeitor ti atacia ijaka luka itelai konye apotu ikapun kowoliosi.

“Karaida abu ofisa lo kilairate ebe, abuni atacar apiyai ngun k’atipet, konye mam ibore iwanyunit isio toni lolo,” asiomi ebaluwa lo ewadikakit Amuya ne ejai apolokiton ajakanuto ko Bukedea.

Eyapesi lo eyaitere eswamak ko Bukedea, nesi abala ebe, epuakata akiro ke Okadel ido ebe, esibwoutotor kesi ‘ebok’ ngol kotoma aswam ke kanu akiro nu ekodakina kede aitolitolio na apiyai.

“Esubit bala emame ibore abu kisisiau,” abala Loyce Amoit, Principal Human resorce officer.

James Okoche, apolon etem lo elimitai kanu aipucupuc apiyai kotem Aminit, ngesi emuarit ngun kere kwape amamiak naarai ebe, iswamai lem ngesi akiro kere korioro.

Abala ebe, abu ationis kolom akaulo Okadel, aitotolikin apapula adiope na etacere apiyai.

Eyatakit ebe, eripoota lo abeit nesi lo idaritos kesi kama ejaasi lu adaun aicorakin airere itabon ke kiding na ekaru lo apiyai apiyai 2019/2020 , 2020-2021.

Ecamunit Okoche ebe, mam ngesi abu kotacite ekontrakta nepetai sh8m lo ayangauni acuuma lo epaci emuceeri naarai apotu ikapun kitosomai ber aitemokina irotin.

Abala ebe, ebuni ebunio ekontrakta ngon adumun atacio ke.

Konye Okadel, engadan apiyai ngesi abu kogir abu kogir alimun idio ibore kinomakin esimu atenak auni.

Karai imina ijo iyemuto lu, komorata keda lucie itunga.
Previous Amonyere adekis nako Mengo
Next Anyodokok: Etoronaar engarenok luko Katakwi kanu agasia

No Comment

Leave a reply