Alacu do konye eminista lo akiro nuko toma, Gen Jeje Odongo, ikiroria luka itunga lu ewolioritos.
Alomutu nu akaulo pac President Museveni alimun ebe, amamei itunganan idio yen awoliorit konye ebe, ekamaritos lu ayuara kotupitete aidiya na abu koduun kiding apaarasia 18 kede 19 kolap Loitomonetadiope akaulo aikamario ke Robert Kyagulanyi, epresident loko National Unity Platform.
Abala ebe, icie itunga kesi etukurianitos aitotolikin aseo na abu kongetakin eraasi 14.01.2021
Kanu kangun, abu epresident kicorak ajore aibeliar ngun lu ekamaritai ne ejaasi itunga, konye nen da tai.
Kanaiwongonet, abu Gen. Odongo kolacu ikiroria lu itunga 177 lu abalasi itunga ebe awolioritos.
Abala Odongo ebe, itunga ngul 43 kesi ecimaritai kanu aidomakin awate kec aidiya ido 153 kesi edumunitai ingadatos iboro lu ajore.
