SOROTI – Ecuuma lo ecui araito ko Soroti, nesi ageu asiponokin acuuman kanu acuia emiebe.
Lem acuuma na ecui emucuuga bon ajai ido nucie lem karai aipangisa kane ejai Makerere University, kanu aicu itaanin iyarei kanu isawan iyarei konye kojaasi imucuugai lu ebeit aicu itaanin ikanyaape
Lem ecuuma elain ediopet lo abu President Museveni kitegea olap lo Odunge, 2019.
Douglas Ndawula Kakyukyu, lo (CEO), ngesi abala ebe acuuma na ecui emiebe nesi kwana isienguni kesi aipangisa lem nako Makerere.
“Edolunitos acuuman nu pac ido ijaa kopukwana iuniara asipokin. Erai kwana arereng na epol ne ejaasi akoriok naarai ebeit aninao na araito aikeun,” abala Ndawula.
Abala ebe acuuma na emiebe nesi ebeit aicu itaanin 120 kangin apaaran.
Abala Ndawula ebe acuuman da nu eremete araito na ebeit aicu ka aidar kesi ejakai asipokin tetere ayaurit araito na ecuitai ka imiebeko lu mam ber edaunitai aicikakin.
Kanu araito acie na irumiarit esokooni kodite ebe etiai kwape luko akwap nako South Afrika ka akwapisinei acie, abu Ndawula kilipite erionget lo akoru aijulakin ka ayuar ka aitogogong ecuuma loko Soroti bon kwape lo ekori araito na idicaritai ne ejaasi icuuman ka agwelak kere luko Uganda.
Robert Ogalo, akorion araito ko Ocaapa, ko Serere distrikt, ngesi abala ebe kwa eutare asipokin acuuman nu ecuete emiebe, erai kwana na apak na kesi lu akoriok aciite atoeta naarai anyaar kwana kesi esokooni lo araito.
Lem akoriok kesi amamikit esokooni lo emiebe kec.
