Akangasia nu irotin ka icorin nepepei ka akoko kesi amudiasi awate nuka itunga ikany kosabiti lo atubor ko Pallisa ka Budaka arii nako Nyakoi na Bukedi.
Airaban nako polis koyaite arii na ASP Immaculate Alaso ngesi ekeunit ebe, eraasi 28.11.2021, ipolisin luko Budaka kesi apotu ikamutu emotoka UBJ 714V lo etekeri Joseph Apuwaye 54 lo Seeta Mukono.
Kotoma omotoka, aponi kicimunai Ashraf Ndugwa 30 ejaan isirigin ka ilongwau ikany lu aponitos Eritrea ka Somolia.
Imoriaritos Samuel Abraham 25, Ziyad Abaala Dude 31, Even Testator 24, Luwan Debesay 24 lu acinguna Uganda itorunitos Malabar.
Abala Alaso ebe, esiarakitai akiro ikesa kalu tapi ikamunio kocaalo loko Nange, Naboa TC ko Budaka.
Ikote akiro nen da, raasi 29.11.2021, ecilet loko Mpologoma ko Tirinyi kodistrikita loko Kibuku nesi abu konyama Kajebe Mutude 25 euriat loko ocaalo lo Idudi kotem Nasanga Kodistrikita loko Budaka.
Kosodi Julius Okiror lo Apetet kotem Akisim ngesi abu ecor lo Neuro kotem Obutete koyar kokui Clement Okanya okou icucut.
Justine Onyait ekasela lo kotem Obutete ngesi abala ebe, akoto alokak aipal kocor tetere elomutu nu engeso kopatana ayuunun kojatar keda password
Keja ngun Daniel Kadogo lo Okiribwok Pallisa TC ngesi apotu ituwosi ko Limoto kotem Putiputi kicimun ngesi ka akulukulu.
Atwakiasia lu elomunitos kotoma akoko kesi ekeunos.
