BUKEDEA – Erai asioman ibore yen apuko akonye nuka ikalia lu ejenete nuka asioman ido ko Teso erai engarenok lu apugan, atekerin kedeidiinin kesi isingareinitos nuka aitosiom idwe kanu ingaren kec na ejok.
Konye ko Bukedea district, agwelanaran lo ejenara keda aicurusa naka amotokan, kojena kwape Kasim Okodan, lo elomunit kotem Kanyumu, konyekiboyei ko Bukedea TC ngesi etolai akiyo bon, ekaulo na atwaniara nepetai sh30m kanu apucun ikoku kitoni angetakin ko University,
kidedaaros apese keda totoke aijaun ibaren luka emanyit korekec esapat komam ngesi ejeni kwape papa.
Ineras keda Aicerit koreke lo ejai Bukedea, Okodan ngesi itetemit ebe, abu akooke na ebe, Kaasa Arsha, akaulo na alomun ko UCU Mukono
University keda idiguri loka ikisila, kimorikikinos kede totoke, Francis Apedo, na egwelanari Plastics ko Kumi town, aingul ngesi kedumu apese ekiliokit.
Emonyi Okodan ebe, apet amuno ke ekomio na aite bala ti apese eyangau ekiliokit ore kosodete ti anyaraun ipapero kede ateker.
“Abu koraun aumokin ebe, eraasi 26.12.2020 abu aberu ka na kolo kiswamanaros keda akooke alimokin amurak ebe atwana kolo eong, neda alemuniatar etunganan aisiboikin oicolong kwape emusika ka kosodete aijaun akituk ka iboro icie kama ejaasi amurak, komam eong ajeni,” amonyi Okodan elimokni aicerit.
www.aicerit.co.ug | Na David Write
Anyunyura Okodan ebe, epupi etau ke apipilu naarai esubit bala emamikinit lem Apedo, ekia lo eyaria ngesi, karaida atwaniarit iboro swi.
“Ejai eong adolore okooti aingitun Kaasa, keda totoke arai mam eong arai papake, kojai da kesi aitac lu abu katwaniarite kere kanu aitosiom ngesi,” abala Okodan, elimokini Aicerit kiyatakinite ebe; ejai amurak keda, lu ejenete cut ebe mam ngesi etwanit aitacaun ationis na ejai lem kesi.
Ebaluwa lo edumunit Okodan koyapesi loka LC1, lo tank cell ko Kumi Municipality ne ejai ere ke ecie, eraasi 02.01.2021 nesi isukunyikinit
angurian ke okodan ingaren kanu apupio.
Konye Apedo na erai toto ke apese kinomakin esimu ngesi abu kogir einer keda lu iyemuto. Kaasa na elimitai kanu aigir papake ngesi bon ebala ebe, abu apak ke na edukone kodol konye kingitaar ngesi nu aigir papake, abu kogir einer kobala ebe eraasi ngun nu okale.
