Aroiki ekadakada lo apiyai Uganda


Matia Kasaija, eminista lo apiyai
IBAKOR: Matia Kasaija, eminista lo apiyai inera pac kairabet
Sports View Hotel 730x31 Ad

KAMPALA – Ekisa apugan apiyai kere nu edumunenete eswamak kangin angetakinet na aitolot epelu. Nu kesi etupakinitos adoelelar na iriagon lu apiyai k’apugan.

K’aiwadikaet na ejukakinitai egirigiran lo ti k’oministri lo apiyai, egirigiran lo eiriago lo apiyai, abala eministri lo apiyai ebe, atacio na iropito lu eswamak apugan, apiyai nuko ministri lo ayuara, apiyai nu koyapesi epresident (State House) kede ipelueik icie kesi bon epote aiyatakinit adumunun apiyai.

“Kotupitete aurianet na ajaikina oyapiesi kon (egirigiran lo ti koministri lo apiyai/ egirigiran lo apiyai, Accountant General kede apolokiton Budget) okodakina ka eipone lo edumunenere kede aitwasam apiyai kolap Loitomonetadiope kitoni olap Loitomonetarei, atacio na apiyai; State House, eministri lo ayuara, iropito, erionge lo aseo kede ipelueik icie lu eposik kesi mam itolitolunos.

Atacio na iboro icie nesi etobwoun kiitoni egirigiran lo apiyai lo ti aitolomun aicorakinet,” asiomi aiwadikaet na etolomunit Accountant General, Lawrence Semakula.

Apiyai nu inyamat, akinyet, apiyai nu akerit korot kede apiyai nu etacio itunga kanu aswam isawan lu mam eraai lu ibusakinitor ajaut oyapesin kesi aponi kikisarai atacio ne ejaasi eswamak.


Apiyai ngun nu ikisaritai kesi esomaunitos nepetai 80 kangin kwatat na apiyai nu edumunete eswamak apugan kwape idoelelatar iropito lu ilikounenete.

Kotupitete aitolomunio na aiwadikaet naka Accountant General, aikumanakin na epol nesi alomu kane ejaasi esomak apugan kede itunga icie lu ingitanaros aitacaikino eipone lo ebeitor aitodolikin aijaanakinio ne
ejaasi itunga.

Mam ber ejena acoa acie na elosi apugan aitolomun kanu aitolot ainapeta nu aijaanakin itunga karai igalikin apiyai.

Bobo, esubit bala ebuni aiwadikaet ngin aitolitol kitoni atacio na apesenin nu imusagoon lu awosan lu apesinikitai akonye ke Attorney General k’adeiket.
Matia Kasaija, emiinista lo apiyai ngesi kosabiiti.


Karai imina ijo iyemuto lu, komorata keda lucie itunga.
Previous Epudu Ipaapa Ekadinol ecie loka Afrika
Next Apuko eminista ekisooni

No Comment

Leave a reply