KUMI – Angor aarei kesi amiedakinos kanuka ejautene loka ibakor okalia
luda ajalakinata kesi ikiliok kec.
Angela Akurut na ocaalo lo Ariet chekicek otem Nyero, ngesi abu odekakin oreke okilenike lo be Charles Epiaka lo abu ebe iminga akit aingarakin ngesi keda amukian osodi aremokin idwe da neda lem ejaar ngesi eutaara orekec lo Agurut keda kakesi ka akiro nuka amukian keda inacan ke.
Akurut na eboyoto keda Epiaka ikaru luipu neda apotu ouruniata idwe
ikanyape ngesi abu adeka osutokin nepetai ilapio ikanyarei kau neda abalare mebe abu ngesi ekilokit ojalak cut karaida adio agangat keda iduwe ibore abu oinak ngesi adumun ationis kotoma aomisio ke nu abu oinak ngesi akou aijangakin itoni ne abu alopet omiedakinor kuare.
Lambert Aromait ka Robert Odeke inacan ke Akurut, kesi abalasi ebe ageun ne abonguno inacikec ore ikamu adeka apotu kesi otomata irwanapu aiworoun okilenike lo erai emuron lo atagoro kanu amorun eipone lo amukian aberu ke konye ebe abu kogir ido atapit adedengiinikin isio kesi.
“Kanu atemar ebe abu ngesi ourite kangina ikoto ti isio ainuk inacikosi orekosi konye do kanuka aipuc icamunit isio idaikinai
oreke,” abala Aromait.
Epiaka ngesi ebe mam abu odolu aanyun ates aberuke akaulo na amiedakin. Samuel Emukajo lo ecaman LC1 lo Agurut, ngesi itogogongit ebe
ageun ne abonguno Akurut itapasi lem adeka ido atenak auni ekot lem ti
amiedakin.
Kosodi Rose Asimo na Odiding ko Kumi Municipaliti ngesi abu omiedakin otogoke ejotoi okilenike kuare, ido alibunet na aikajakin ke esusut ke ejenuna konye kane ejaasi idunyeta imaritos lo lem kwape ekale lo inapaara konye icie idunyeta kesi abalasi ebe ejai lem lu ecelet lo kanu ikoku yeni lem epotiei Asimo.
John Richard Ogwapit okilenika Asimo ngesi abala ebe enyamitos ngesi ked
aberu keda idwe osodi ngesi elope ajotoor kwape amerar konye do tupuruc
enyounit ngesi alosit ailwat ebonguni ngesi angoliar ebe ikaja aberu ke auno.
“Emameete cut isio nu eroko lem karaida ecelet. Eong elopet alosi aiman ka otaun abonguni konye do bian mam eong ajeni nu ainakisi aberu ka amiedakin,” abala Ogwapit. Ipolisin ko Kumi, kesi apotu ikwenyasi itunga duc aisac aitolitol aiboisit adio na ebilitere ekisil.
