Egisigisitai arerengusio! Eraasi icie ekeok. Icie eraasi epook koraasi icie da alokak agaria. Ikote akiro nen. Itelepai kede apesur lu alomunete kotoma asioman na etatai kolomunitos ko Palam kede Ngariam kesi apotu kodumutu aropio Naikanyet eraasi 05.03.2021.
Erionget loka Self Help Afrika nesi abu kokorak acalaanin, atauloi nu ebeitor aidony igoen, asaduku na iboro lu ekeere kede abawoi.
Esisiak 50 kesi aponi kitolomunai ko Ngariam Technical School akaulo aisiom adaun ilapio iuni. Apesur 25 kede isapa 25 lu eraasi ikokiok kesi apotu kikamutu arereng na. Icie kesi araasi ngul lu mam apotu kopedosi angetakin asioman.
Edumunitos da bobo esisiak lu kede acoasinei nu aimono.
“Akorakini eong yesi acalaanin nu kede asadukun nu icuuman lu etatai kanu apetor ibakor. Koloto kitutuosi inacan kus da lu epagal ejautene,” abala Esther Ainyo, apolokiton ainapeta nu ko Self Help Africa.
Ainyo ngesi abu kisumunik aiyatakin aigangit atumunak. Eyatakit ebe, erai ngol eipone lo aijaikin atumunak aswamisinei nu imedaikinete.
William Eidu, apolokiton ainapeta korionget loka Conserve Uganda – Katakwi ngesi abala ebe, abu erionget kitojoka asekun atumunak kanu aitidisiar aimony na amamus kede aswamisinei.
John Stephen Ekoom, RDC lo Katakwi ngesi abu kilip emedaunak aitwasam arereng ngin kanu aimedauna.
