Ecamusana ngesi eroko enyalatoi noi kane ko Uganda ibore yen ejaiki apol keda akerianut nako Uganda mam epoloi kuju kadoketait kana isialamikinit itunga.
Erai ecamusana aswamisioit na egirit ekisil kane ka kwap wok. Ejai Ecamusana etiakatiakaitai irwan nu ipu kwape nat: aimidic apiayai, agwelanar ka agwel aswamisinei nu apugan, atiakit itunga, agongara owai ediopet ka icie da.
Ibeliarit ekisil lo Ecamusana kane ko Uganda (The Anti corruption Act) kodoco ebe “erai Ecamusana abilit ekisil ido ngin yen iilokin toma ocamusana ibusakinit aitepesen kotoma okisila”.
Ejaasi atiakuneta aarei duc ne elomuna ecamusana. Nasodit, Etunganan lo iswamauni Ecamusana kosodi etunganan ngon lo iswamaikinio Ecamusana. Anu Ecamusana atakanun edumuni ejaasi itunga iarei arai adepar. Kanu angun, ibeliarit Ekisil lo Ecamusana ( The Anti Corruption Act) kodoco ebe “ idio itunganan keere yen ipudakin arai yen ingituni Ecamusana keda ngin da yen ijauni arai ecamuni arai bo nat yen ijaikinii Ecamusana kane ko uganda ediakarit ido ibusakinit aikamunio, angicio ka aitepesenio kotoma adieket”.
Irwan nu ipu, etapit itunga aitoronit engarenok kanu Ecamusana ojalakinete ngin yen elosi nejai engarenon arai eswaman lo apugan agwelegweletoi.
Idumuni ijo Etunganan ecie da aisok tupuruc sek airiamun keda atubon tetere atubon ijaikini ngesi aitelekar emusago, ijaikini atubon emajani.
Edupo Ecamusana oni itwaniari nu ipu. Ayangau da ipeen ilelebunos toma aswamisinei narai Etunganan lo ebecokina keda eyapiesi apotu isirigin komameikisi kanu agwel aswam konye ije ekalany lomam ekupup abu itosiom isirigin agwelia aswam konye kwana epoga he oyapiesi keda aswamisinei nu imagulosi.
Ailipa ka ne ejai apugan. Ekot aisisianakin itunga iwaitin lu itijiet Ecamusana. Ekoto angin itunganan ajenun epelu ke.
ERAI EWADIKAN WILLIAM ECUNGU LO ELOMUNIT KO AMURIA
