• About
  • Contact
  • Advertise
  • Careers
Tuesday, March 21, 2023
  • Login
No Result
View All Result
AICERIT
  • ✸
  • Iyemuto
    • Iyemuto lu Ore
    • Iyemuto lu O’Uganda
    • Iyemuto lu Okekwan
  • Politiks
  • Angaleu
  • Asioman
  • Akerianut
    • Aisubis
    • Akoru Na Ameda
    • Etatai
  • Eyala & Einono
    • Aibwang Etuo
    • Atemele
    • Dikan
  • Aboliasio
    • Aboliasio Nu Ore
    • Aboliasio Nu Okekwan
  • Aingic
  • ✸
  • Iyemuto
    • Iyemuto lu Ore
    • Iyemuto lu O’Uganda
    • Iyemuto lu Okekwan
  • Politiks
  • Angaleu
  • Asioman
  • Akerianut
    • Aisubis
    • Akoru Na Ameda
    • Etatai
  • Eyala & Einono
    • Aibwang Etuo
    • Atemele
    • Dikan
  • Aboliasio
    • Aboliasio Nu Ore
    • Aboliasio Nu Okekwan
  • Aingic
No Result
View All Result
AICERIT
No Result
View All Result

Aicerit » Anyodokok: Etoronaar engarenok luko Katakwi kanu agasia

Anyodokok: Etoronaar engarenok luko Katakwi kanu agasia

Ewadikan Aicerit by Ewadikan Aicerit
2 years ago
in Angaleu, General
Reading Time: 4 mins read
itunga eutanaros aitala esokoni lo apolon lo katakwi

Itunga eutanaros aitala esokooni lo apolon lo katakwi

KATAKWI – Itunga luko Katakwi TC ko Katakwi distrikt kesi apaaran Naemukaaga eraasi 07.08.2021, opotu komonyakisi eingarenone lo otaun kec kanu apoloror amadakak ko taun.

Itunga lu anyunyurasi imoriaritos, egurupu lo apolokitok icolongo luka LCI ko Katakwi TC, ipolitisians, etekerak amotokan, agwelanarak ka icie da lu icurusaete ko taun kalo Katakwi, kesi abu anyunyura ikiar adoketait nako kuju kosodete ikupelek ageun aitala etaun.

Itunga lu, kesi opotu olimokisi arotan iyemuto kosi ebe, amadakak na etaun ngesi etodikit kesi ebe, mam eingarenone lo taun kec epodokit kesi.

Eyatakitos ebe, epedorete agasiya aiboi kosokooni ka acie aiboisio kotaun adepar ekaru komam lu aila epodokitos alemar.

Robert Osekeny, apolokiton aibunget naka apolokitok icaaloi ko Katakwi taun, ngesi obu olimok Aicerit ebe, amadakak na etaun lo Katakwi nesi ayangaiki awojau na epol noi neda ijaikit kesi kwape icamanin lu ocaaloi lu taun Katakwi iponi nepepe awanyun ebe, ejaun ail aka angaleu toma otaun lo Katakwi.

Eyatakit Osekeny ebe, agasiya na ejai otaun lo, nesi ayangaiki awojau ido da emamei idio bore yen itodikit itunga lu otaun kec ebe, epodokitai kesi.

“Emameotor etaun keda apipai nu ecakanakinio agasia neda eponiatar kesi alemun kanu ayangar aipany na itemokitos kesi,” eyatakit osekeny.

Joseph Opus, lo epoloikit aila ka angaleu kosookoni, ngesi abala ebe, obu kopas kesi aidar eingarenone lo kotaun kec kanu aitalaun etaun.

Abala Opus ebe, epol ebar kosokooni ibore yen ebe, ijaikit lu angaleu ko distrikta mam eloseneneete osokooni egwelet inyamat narai irumitos kesi ileic.

Agwelanarak lu anyunyurasi kadoketait nako kuju kesi etoronaritos eingarenone lo otaun kec kanu adaun apak na epol noi kopalunitos aidar aila ko taun.

Eyatakitos ebe, ipu itunga lu itoritos otaun kec kolosenenete aiboisio nu egelegela imoriaritos Moroto toni Kenya ka Soroti ka acie aiboisio.

Abakasi kesi ebe, isurumit aila na etaun eingarenone kec ileic naarai mam ekwam lo iyengasi itunga erai lo ejokuna ido da ebe, emina ayangaun adeka na epol noi ne ejaasi etunga lu eboyete kotaun.

Ikote akiro nen da, na epolokit aila ko taun kalo Katakwi Lydia Alupo, ngesi obu olimok Aicerit ebe, etamit eyapesi ke nu epedori kere kanu awanyun ebe, ejai aila otaun konye amamus na apiyai koyapesi ke ngesi ibore yen epol noi eyangaunit agasia apoloor otaun.

Ikidioko apiyai nu ijaanakini ekansulo eyapesi ke, ibore ebe, ijaikit aswam iyapi.

Etacaunit ebe, emameete adis piyai nu ejaasi toma oyapesi ke, ido ebe ibore ngin nesi ijaikit itunga enyunyurasi noi.

Apolon eicolong loka LC3 ko Katakwi TC, Zadoki Akutu, ngesi Abu ocam ebe, emame ne ebukonokinio agasia kotaun kalo ke ibore yen ejaiki agasia atukun.

Eyatakit Akutu ebe, epol apagat na ejai Katakwi TC kotoma owai lo angaleu.

Ejatar Katakwi ka ebajet lo angaleu lo edolit sh14m kotoma okaru.

Mam apiyai nu ejaasi otaun epedorete aidar angaleu kotoma otaun lo Katakwi, karaida aitala etaun, etiono noi, amonyi akutu.

Ejaasi ngun da, Aicerit ngesi obu kisisiau ebe, ekorakit erionget lo ojokotau loka Welt Hunger, apipai nu etukio agasia kanu aidar angaleu kotaun kokaru lo atubor konye kitoni kopaana, mam eingarenone loko Katakwi TC esipokit apipai ngun orotin ka aiboisio nu ejaasi idukai.

Itolosi erionget loko Welt Hunger nesi itolosi aswamisinei ke nu aisinyikoikit aila ka angaleu.

Aomisio nuka itunga

Apolot Rose: Ekoto lu isomaete okansulo loko Katakwi aiketakin ainyakun aila otaun naarai ijaikini na etaun alaun kominakite itunga kere toni ipejok da.

Rose Apolot

Emmanuel Oyuu: Esubit bala ejai aica lolo okansulo itetet lo Katakwi narai ikoto emunisipaliti, ekoto ikansilan aswam kede ikec itunga kanu aitopolorit angaleu kotaun.

Rose Akurut: Adau Katakwi aipal iso narai mam epodokitos itunga lu iboyete otaun kalo.
Ejai do kwana etau toma aitelesit na adekasinei nu egelegela.

Rose Akurut
Karai imina ijo iyemuto lu, komorata keda lucie itunga.

Mam ItwaniariIyemuto Lu

No Content Available
Tags: aitalaanyodokokengarenok

Iyemuto Lu Eputonoro

Ingaibo eburokini ‘MP’ Okabe?

Ingaibo eburokini ‘MP’ Okabe?

2 months ago
Ekwenya aberu na ‘ajaruni’ eyuunak

Ekwenya aberu na ‘ajaruni’ eyuunak

6 months ago
Ecorakin Engarenok lu ediini aigaligal iponesio lu atumunak

Ecorakin Engarenok lu ediini aigaligal iponesio lu atumunak

6 months ago
Arai Ikwiin Elisabeeti Atesot cut obe kotoma aswamisinei

Arai Ikwiin Elisabeeti Atesot cut obe kotoma aswamisinei

6 months ago

‘Eroko isomeroi ewororete’

6 months ago
Akudokin Isuwat ailip aingaingaitoi Edeke

Akudokin Isuwat ailip aingaingaitoi Edeke

6 months ago
  • Aicerit
  • About Us
  • Contact Us
  • Advertise
  • Privacy Policy
  • Terms of Use
Email Us: info@aicerit.co.ug |
publications@aicerit.co.ug

© 2023, Aicerit Publications Co. Limited | All Rights Reserved

No Result
View All Result
  • ✸
  • Iyemuto
    • Iyemuto lu Ore
    • Iyemuto lu O’Uganda
    • Iyemuto lu Okekwan
  • Politiks
  • Angaleu
  • Asioman
  • Akerianut
    • Aisubis
    • Akoru Na Ameda
    • Etatai
  • Eyala & Einono
    • Aibwang Etuo
    • Atemele
    • Dikan
  • Aboliasio
    • Aboliasio Nu Ore
    • Aboliasio Nu Okekwan
  • Aingic

© 2023, Aicerit Publications Co. Limited | All Rights Reserved

Welcome Back!

Login to your account below

Forgotten Password?

Retrieve your password

Please enter your username or email address to reset your password.

Log In