KAPELEBYONG – Mam ejena eipone lo eponiata ibakor. Kitam ijo acoikina da, ejaun erot lope elomunata akiro nu itakadikinete.
Ko Kapelebyong distrikt, arai aiturur na epol noi kosabiiti lo atubor, akaulo eboomu aiyar ikoku idiope.
Arai ariengun na epol noi ne ejaasi auriak ke, Ben Akol akaulo adumun aisiraret ebe, adaunit ikoku kec aiyar.
Etakanutos ngun isawan iwongon kocaalo lo Ojakayi eitela Angerepo, etem Acowa.
Kane ejai eraban loka Polis kari nako Kide, David Mudong Ongom, apotu
idwe iuni kaimoriarit Akol, konyoutu kanu abolia kotoma alaro na ekale.
Eyatakit ebe, kotoma osawa kangol, alositos ber auriak kec aswam toma amisiri. Etacaunit Ongom ebe, apotu idwe kodumu akitoi na arai asuat na apotu kesi kogeutu aitwasam kanu aboliar.
Eisawa do ngol abu eboomu ngol kobuloror kosodi aikangas aiyar ikoku,
Akol lo ikaru 15. Abala Ongom ebe, apotu ipolisin kipejokis aiboisit na apotu akiro kotakanunata kosodete airarun ainyilinyileta nuka eboomu.
“Apotu ipolisin kiwadikata ajenanuto kane ejaasi itunga nu eteete eipone lo atakanunata iboro kanu aingarakin aingic alosit akonye,” abala Ongom elimokini arotak iyemuto akaulo akiro ngun aiwamaun.
WWW.AICERIT.CO.UG | Na Ewadikan Aicerit
Aiturur nesi aroikit ecaalo naarai mam ber bobo eipone akiro kangun iswamaunatar ko Kapelebyong adaun apak na ewoj noi.
Ejaasi ngun da, elipitos ipolisin itunga aikwenyanaki ipolisin ne egiparata kesi asuwat adio naarai ajai kolo ejie Kapelebyong kanoinoi lo abenyak ke Kony. Erai aiturur na epol.
Kodumak aidules acie otoma apapula!
