TESO – Karaida ebalasi icie itunga ebe erai ajaut kede angarany ileic konye ejaasi ipolok lu ebalasi ebe, erai aitegelikinet na angosibib naarai ijaikit kesi aitegelikina kane ejaasi lucie itunga.
Etiono noi adumun itunganan yen ejaasi kede angarany ekwena. Mam icie
icakete aitoduun aiyalamikin da ido erai icie arapit aitukes karai ekotosi akweniar dodo etunganan amuyoonor bala emeere lo idongitai.
‘Hu hu huh u, hi hi hi hiiii! Eipone ngol ngon ekwenatar icie. Kosabiiti kalo ebitunit Aicerit icie kotoma opolok kede amojongik nu mam ileic egwarunete aomisio kec da kanu ajaut kede angaranya.
Erai kwi ikulepek aisiarun angiirit ido erai ebalasi ikulepek ebe, mam ngin erai angwalu. “Ikoto ti isio da itaraunai isio da lu epote elatok aipejonokin. Ti ber Imusugun epote aiminimin angaranya kosi da otacete bo apiyai,” abalasi ipolok kede amojongik nu abu Aicerit kinerakinotor. Erai angarany angosibib.
Kodumak aidules acie otoma apapula!
