Karaida atamit Isuwat abuikin akuwan aiyetanar ecaai, abu etau kodaunite aipirisaar ne abu koinak ecaai apapangu bala etakaditai esukaali.
Abu akongu ke kosalak asese okek lo elomari oyapesi ke apolon esomero kidarite kwana apolon esomero abunere, arai aijukun ituan anyaraar ngesi.
Akaulo apak adis, abu Isuwat kitutub akudokin omeesa ageun ailip Lokasuban kisibiro ainerun na ajokit kere, na ekot aitwatanaar ngesi aswam ke.
“Papa Edeke, ekunyunit eong ekon ebulesit akonyen kon engaingaitoi adumun asianut kon.
Ijeni ijo cut papa epone eutar ajokit aitiji eong kitorunite ne ejai Isimooni.
Acamunit eong ebe abu eong kadiaka konye abu eong ketoronikin kakonyen kon, nepepe kakonyen nu apugan da. Inyobo ber erokor ajokit ebwapit eong? Okwe papa, kitimoi napona bon, you are a God of second chances,” engaingaitoi Isuwat.
“Mwalimu, inyobo, anomo ijo ecaai akoik tapi ikudokin ijo kwaen?” abala amwalimu adiopet ingisi Isuwat.
“Araibo ariebutu je aomisio Isweet heart Isimooni. Kojalak ber ikoku kitabitabar ber ngesi da kuju ngipongin,” abala emwalimu lo aimar konakarete imwalimun lucie akwena.
Karaida enamete kwi akiro, akonye ke Isuwat kere ajaasi okek lo oyapesi apolon esomero.
Mot kolomunete HM ka totoke Isimooni kinga.
Apotu Isuwat aokot koteyaros kakuwan.
“Kwa ngesi edetokitor look akonye kinga. Mam yesi isesenete amuran ke ya ebwoete kede Hm,” abala emwalimu elimuni kongoliarete lucie kere ngin.
Kotauke Isuwat, ajeni ebe abeit kwana apolon esomero aijukun ituan anyaraar ngesi.
