SOROTI – Adieket na apolon ko Soroti nesi Naiwongonet eraasi 29.04.2021 abu itolomu aiwadikaet na itogogongit akodaro ke Cap. Charles Okuta lo sek arai apolokiniton ajore naka idari itiang (UWA) arii kana ko Teso ka Karamoja adieket kanu abongonokin imusaagon lu iyarito ka airusio na itunga kalu aiboisit kana Moru Lokwangat kotem kalo Opopongo kodistrikta Abim.
Atubon Ssalamu Godfrey Ngobi, ngesi etolomuni ebalua lo itoosatere Capt. Okuta, UWA ka epuliida apugan kanu aitolot airusio na itunga alupok kanu Morulokwanga komam itoritos okisila.
Eraasi 15.12.2020 kitoni 27.12.2020, ajore, ipolisin nepepe kalu UWA, kesi apotu itolototo airusio nasodit na itunga ebe ingarenikinite Cap. Okuta kobalasi da ebe eraasi ngun alupok nuka itiang kalu ais.
Airusio na itunga na iyareikini nesi aponi kitolosi eraasi 10.02.2021, konye aiwadikaet na etolomunit ekooti kanu airut itunga alupok kanu nesi mam aponi itodikinai itunga nepepe ka engarenok kec.
Itunga nepetai 16,000 kesi aponi irutai alupok kangun ido abu epurujai lo idupo nepetai 4,000 imusungunos.
Iriongeta lo ojoktau kesi etodutu ebe itunga 21 kesi apotu otwakata koipurujai kalo. Ilukumin lu amisirin nu alupok kesi apotu itunga ojalata ido inyamat, iboro lu otogoi ibaren ka icie da kesi apotu itunga otwakiasi. Ekodet lo itunga lu engurianete noi kesi mam iyalamasi ka apugan akiro kanu ido ipudasi atacio na isirigin lo edolete ibilionin 10.
Alupok nu kesi agwelitos Iteso lu elomunitos ko distriktan luko Teso aimoriarit, Soroti, Serere, Ngora, Kaberamaido ka Bukedea kejaasi icie da.
Engarenok icie lu apugan ngesi itolomete ajenanuto ebe mam ngun eraasi alupok nu ebeitos itiang lu ais ido alwanis na ais nesi erai amairon 50, agear aiboisit kangin na irusitere itunga ido amaapun nu pac etogogongi airabet nesi kere etodiete ebe mam alupok nu erasi nu ebeitos erionget lo UWA.
Icie kotoma itunga kesi engurianet ebe apotu isilikalei iteperoto angor kec ido lu ipu ekatutu eseny. Erionget lo Sugur Development Agency, nesi alomu akiro nu kanu acuriar abenyanut na.
Vincent Ocen ngesi abu kodol toni oyapesi ke Erai Aisia olope esomero lo apol na angor President Yoweri Museveni eraasi 22.03.2021 kanu ajenun jokan ebe ingaibo Ber irusit itunga. Aurianet na atipet nesi aponi konyaraunai katipet nada engarenikit Col. Hakim Mutakabale lo epolokit Rapid Response Unit, ka Solomon Okiror Oriada lo erai engarenon lo ekodet kalu engurianete, Sabila Chemonge lo eyait nu ikisila ko UWA ka Ocen.
Chemonge ngesi Abu kogir akiro nu kere kobala da bon ebe mam UWA ejeni akiro nu kere ido korai ti kesi, ti UWA itosamat ekisil kanu airusio. Itunga kesi dober apotu akwes igurokinos akaulo na akiro nu adoere cikil. akin
