PALLISA – Atumunak lu edeparitos 100 kobukui luko Gogonyo ka Agule kesi, k’Naebalasa, apotu kojaikina aswam aingito na aporor aswam Saudi Arabia agwelanar abaraafu (ice cream) kotoma supermarkets na malls
Managing director loko Rokas, Derrick Orone, ngessi abala ebe ikilok 3,000 kesi epudai ko Saudi Arabia, ido, be lu ikamunete arereng kes elosete ainyam isirigin 2,500,000 toni 3,000,000 kangol elap.
Orone ngesi abala ebe, eroko 2026 kedolo kodaunite nges aitodol enaaba itunga 3,000 aporor kinga naarai ngun etutubit ngesi isupi aseeta.
“Isap lu kelototo Saudi Arabia, epote amonoun Shs 60m kangin idiopet kotoma okaru iyarei lu edeparitos isiigin lu edumuni esisianakinan akaulo edolore ikar 60 lu iyenguna kotoma aswam. Kilema akoto kesi alemarit akirot na asesen angor Iyarabun naarai etioko ikisila lu kangina,” abala Orone.
Orone lo bobo erai MP loko Gogonyo, ngesi abala ebe, kwape eingarenon ecamaikini ngesi itunga alemun ber 3,000,000 ido ebe ekaulo eporosi ageun aswam ijukakinete ekampuni 2m lu iideuna.
Oscar Papakonyang lokotem Apopong ngesi abala ebe, itunga luipu ko Pallisa kesi emedautu kane ajai Orone naarai apesur keda angor nu edeparete 600 kesi ejaasi Saudi Arabia, Qatar ka UAE ido adukoto oreriakec.
Papakonyang ngesi abala ebe, nuipu itosiomete idwe kec osomeroi lu elangir naarai ekakaunenete 900,000 kangol elap kokinga.
