Ipolisin ko Pallisa distrikt kesi arocutu Francis Mukula, MP lo obuku Agule kanu ebe, aisidik amumu apaaran na aseere abwaak lu ekilasi aidak emendera lo NRM kanu alosit airabet. Mukula, lo ejenara kwape Ekwotapin, ngesi itoronitai bobo ebe, abu kolem emuudu lo mam ajenasi nuke kosodi aracakin arasasin ne ejaasi itunga iyarei lu apotu kikangasunos k’airiamet na Kaboloi, otem Kaukura kodistrikta lo Pallisa.
Erai Mukula ediopet ko MPs lu ejaasi aibunget na apol airabet na itomonet. Cyrus Samson Omara, eraban loka polis kari nako North Bukedi, ngesi abu kitigogong aikamunio ke k’Mukula.
“Erai abeit ebe, ejai kopekwanaMukula Francis awenis kosi kanu aitacaun aduun na amumu na abu koinak itunga iyarei imusungunos, emusaago lo ejai polis aingic,” abala Omara. Mukula ngesi arai ediope kotoma abolobolok iwongon lu epudasi aibwok emendera loka NRM kobuku lo Gogonyo ido abu koraun imalo.
Esumunikit Omara ebe elosete kesi aremor Mukula adieket kedautu aitolot aingic.
Mam Aicerit abu kopedo ainerakin kede Mukula kotoma apak na idoyo okalamu naarai amamei eipone lo akodakin ka ngesi. Amumu nesi abu kiriam Uganda kere kotoma aseo na etolosi NRM osabiiti lo atubor ne da aponiatar itunga icie komuriatar aitukes.
