SOROTI – Esabiti lo atubor apotu amorata akiro nu ikamunitos aipit akokorei nu imoriaritos ibegoi akokorei, eipone lo esekunere akokorei nu ipita, itogoi akokorei, aboro nu emasiata akokorei akipi, aboro nu enyamiata akokorei inyamat kede irotin lu ipisere akokorei.
Ilolo ilosi aimor akiro nu apotu esumutu ebe ilosi aiyatakin aimor. Nasodit nesi aboro nu eporonokinete akokorei ajo kuare. Toma kai akokorei, ejok adumakit akito arai abaoi nu eporonokinete akokorei ajo kuare.
Naiyareit, ailina kesi ipudasi akokorei auri abeei toma aboisio nu igoliara epone lo eyuwara. Ejaasi ailina aboisio aarei. Nasodit individual nests araibaat ailit na esubuno kanu akokor adiope.
Arai itwasamai abaoi ipedori aikongun na ewoja do atiakatiak ne euriei ngin akokor. Kosodi communial nests araibaat ailit na esubuno kanu akokorei nu iyatakina enaaba kwape 10.
Mam etiakitiakitai na toma ke konye elomarete akokorei nu ipu airacirac abeei tomake kolemete do abee kanen. Ejok asubun atunyuru naka ailit ijulelei tetere mam akokorei eperete toma ailina kuare aipwok abeei.
Inyamat luka akokorei.
Imoriaritos akipi, inyamat lu einakinete awate akokorei agogongu araibaat carbohydrates, inyamat lu edukete awate kec araibaat proteins, Fats and oils, vitamins, minerals, kede icie da lu ejenasi kwape premixes.
Akipi
Epolok noi akiro nu akipi kotoma aipit akokorei. Nepetai 70% araibaat akaisakanyaarei kangun akwatat naka akuan naka akokor esubunitai kede akipi kosodi abee nepetai 65 erai akipi. Ipudasi akokorei ameet aimat akipi tetere akuan ke epedorit aijujuar inyamat lu edaka akokor.
Ejaun ekadakada loka akipi mam akokor enyami inyamat lu edolitos. Kwangun mam epoloi arai aumeekar ejok. Mam da euriete abeei ejok. Toma aboisio nu emwaka emamuutu akipi etwakete akokorei.
Ipudasi da akokorei akipi kanu aitililim awate kec apakio nu emwanar akwap Inyamat lu einakinete akokor agogongu. Edumakinete inyamat lu akokor agogongu na alosit adak, agogongu na ainyam, agogongu na auri abee agogongu na aiyat aisubu akiring kede adumakin akuan amwanis elilim akwap Inyamat kwapenat emudunga, maize bran, emuceri rice bran, wheat, imumwa akima, emuogo, ka icie da kesi edumakinete akokorei agogongu.
Inyamat lu edukete awate
Edumakinete akokorei inyamat lu edukete awate ne ejaasi ikorion kwape nat soya seed cake, cotton seed cake emaroge sunflower seed cake ikanyum emaido ka icie da.
Edumakinete ne ejaasi itiang ka lu ecor da kwapenat aokot kede omena. Ipuda akokor inyamat lu kanu aigang awate kec aisub aokot ajulo abeei kede angaleun naka aboisio nuka akuan nu aticepak imusungununos ka acie da Fats and oils.
Edumakinete kesi da akokorei agogongu kede amwanis na ipuda akuan aticepak atenak aarei da adepar carbohydrates. Konye toma aswamisioit na aitan akokorei idila aitwasam carbohydrates naarai epatana adumun ido edit etiai itiriani kede Fats and oils lu etiono aidar kopatana amunaara da emwana akwap.
Minerals Ipuda akokor minerals kanu akuan aisub akojo abokoya nu abeei. Icie kotoma minerals lu ipuda akokor edumakini toma abokoya nuka totoacelet nu inyalitai onyamat kec kede toma asingei amoru alicia ka ingaroi.
Vitamins
Ipuda akuan akokor vitamins kanu aigang apolo\ angaleu ka aur na ejokuna. Edumakini akokor vitamin ne ejai ikwi luoliba ka araito. Ejaasi da vitamins lu esubio ofakitore lu inyalakino onyamat akokorei.
Aitan akokorei kede ikwi
Edumakinete ikwi akokorei vitamins, minerals icie, kede akipi
Epone lo einakinere akokorei ikwi
Ejokuna ainakin akokorei ikwi lu erai adengun ngipongin mere lu erinyorito. Iwenikini aibunget naka ikwi ikajakini kuju mot kotoma kai kec tetere akokorei eswomanakinos aswomanakin kanu arionor amoori. Ikwi lu ideunos alemun acakar oinakini acie tupurucu ke
Iworibo igeara aitanakokorei kon ikwi?
Akokorei atudoi kede ikulukulun ejokuna agear aitananakin ikwi edolo apolou naka isabitin iyarei. Konye ekoto agear kede ikwi lu erongo elibilibete otesek mere nu epokooraros do erono. Oinanakini akokorei kon ikwi angetar apak kere naka aijar kec.
Kangin aboisit ejenasi ikwi lu eminasi akokorei. Ejokuna adengonokin akokorei ikwi lumam edolito apak na aituro Konye arai ipisi akokorei nu ipu ejok akoru ikwi lu itania akokorei kwape ekabeji eboga sukumawiki kede Russian comfrey tetere erai aiwonyanakin aideng mere airim okutui aimo ikwi.
Siri itwania Aicerit kon naka esabiti kangon kanu akiro nu imoriaritos ainyal inyamat akokorei epone lo itanere akokore ka angaleu naka akokorei.
Omisiik akiro nu ka adumun aidules kane ejai emuron loka ibaren otem kon tetere edoluni apak na imoria epone lo edumakina akokorei nu 10 nu oteso akorion 2M kotoma okaru ojeni do jo nu swoma anu adumun ikapun ngun.
Kodumak aidules acie otoma apapula!
