TESO – Atukot na eyait ainapeta nuka Scouting ko Uganda kere nesi alacutu ikiroriai kalu epote aibwokit ipelueik lu egelegela adaun ikaru ikany lu eponitos koingaren.
Icie kalu adautu adoere oboro kesi, Gen. Katumba Wamala lo kwana erai Chief Commissiona, kotupite Stephen Butumbwire, Professor Maggie Kigozi na apoko eyapesi loka Chief Scout, Lucy Nakyoobe na eyait apiyai koyapeesi ke President ngesi kwana eyait ebood loka Scouts ka icie da.
Konye do arii na ore nako Teso, adoiki lolo ooni da aicerit na ayangaun ekariei naarai idwe oduk da kesi ber lolo akwamakinos adokena nu lem enyamatar imugaana ka lu akile aijar.
Lu da ekamu arerengu ko Teso kes lem eraasi lu einakina ainapeta nu Scouting kotoma odistriktan lu egelegela ko Teso konye do apedosi lu enakete aijar ko Kampala angicun kesi da kosodete akutun Iteso da ibore akongu naarai erai lolo na irwan nasodit Iteso lu itia enamba nen akakaun iyapeesin atukot kana.
Nu kesi etakanaunitos eraasi 20.03.2021 ko KaaziWakiso, kotoma apak na ajaatar imuebai lu atukot kana anatar Uganda keere aurianet na apolon na ajaikina aiboisit ngin neda koponi osipokinere engarenok luipu.
Icie kalu adoiki aicerit kes imoriaritos; Richard OkelloNEC, Frances AnyangoAudit Commission, Patrick Sseno (General Chap Chap)- National Board Member.
Lucie kesi eraasi Samuel Oparo Omoding-Youth Program, Caroline Ajulong Community Development ka Projects, Richard Orwanga-Training, Stephen Kisembo-International Relations (epaperone lo okinga) nepepe ka Samson Adongu loda ebuni arucokit Scouting ko Teso kere ko distriktan luko; Bukedea, Kumi Municipaliti, Kumi district, Ngora, Serere, Soroti City, Soroti district, Katakwi, Kapelebyong, Amuria, Kalaki ka Kaberamaido.
Iyakia lu ejukaritos idistriktan luko Teso ajaikin aurianet na kolomunitos ko Kapelebyong ka Katakwi nepepe ka lucie da kesi itacaunitos ebe emamei kwana bobo ajotoor konye erai akwenyun ka aisinepuun Scouting ko Teso.
Richard Okello lo ejai kwana adoketait naka NEC ngesi abu ikwenya Iteso keere ebe abongokisi ber ooni aibumakin akanin ainapeta nuka Scouting kanu aitetenaar iponesio lu idwe wok.
Lucie da lu kwana ibwokitos iyapesi kesi adautu ailair ebe elosete ainakin apak kec kanu aisikwaruna ainapeta nuka Scouting ko distriktan luko Teso ka akwap keere aimoriarit.
Adongu ngesi abu odaku ainakinet na araut ediopet kalu lem einakina aswam ka aijaanakin ejok.
