TESO – MC Abel master nesi osabiiti lo atubor opotu ikootin omwanikisi akaulo na opaupake, Rody Gavana lo ejai okodet loka Wakanda aiman aiturakin ngesi otuja akaulo na aputo na ajaasi aramak lu egelegela aweyar kolago, ibore yen akoto ayangaun atiak ne ejaasi asotia nuko Wakanda.
Aputo na acakakitai olago nesi etodunit ebe asuban nu abeit ajaun 30.12.2020 ido lucie da lu ajaasi toma kesi emoriaritos Dj Ochora, Dj kelly orai King Mokello igangit nu kere.
Rody Gavana inera ka arotan iyemuto kosi nesi abala ebe mam ngesi ajeni nu ikamanara kede akiro nu aram kotupite aputo na obu oweyar olago.
“Ijai isio aibwapit akiro ngun noi, mam itijenikitai eong idis ibore konye arai inerakinos kesi kede eong kasodete acamanar etace, abuni eong alosit airam konye eraun kesi aitemum aiteten aputo ngin konye arai mam eraun acakakin etuan otuja ka aiwosada,” abala Rody Gavana.
Konye MC Abel ngesi abala ebe eriengunit ngesi da awanyun aputo ngin kolago ido abu nesi otamite atupakin lo acakakini aputo ngin. “Eraun iso aiwosan ikesa ngun” eyatakit ngesi aikeun.!
Kodumak aidules acie otoma apapula!
