Acuria apugan Patrick Amuriat


Patrick Oboi Amuriat
ATITUNGU: Amuriat lo iboyei koicolong ikopakini Moses Attan elacet lo epate kec
Sports View Hotel 730x31 Ad

TESO – Nepe eroko ewowanakin akaulo na aperio apolis nako odistrikta loko Mpigi, Naesabiiti, lo eboloboloi kanuka asekunio kwape epresident opate loka FDC Patrick Amuriat Oboi, ngesi bobo erupakin polis nako Katwe.

Ido itoronitai ngesi kanu ebe aiboi okuju na emotoka ke ka ebe akote akorar adeka na eroko nuke.
Konye ko Mpigi aponi kolacakinai ngesi ko shs5m, lu mam erai lu etacio.
Lu abwounak ngesi, kesi aponi kicorakina alemun shs 10m, lu mam etacio.

Ekacunitai Amuriat Naesabiiti ido abu kikanyak aiterot amabuusu naka polis ko Mpigi. Konye Naebalasa, aponi kitobwoi ngesi okooti lo atubon nako Mpigi, Ruth Nabasa.

Irwana naiyareikini na Amuriat aitobwoo okooti kanu adiakaret na aiboi okuju omotoka. Apaarasia auni kau, aponi kitepesenai ngesi komusaago ngopengon kodistrikta loko Kakumiro ido ecorakitai alemun shs500,000 lu mam erai aitac.

Ko Mpigi, epuliida ke Amuriat, Ernest Kalibala, ngesi abala ebe ejai Amuriat apedor na alacakino naarai emusaago lo ediakarit ngesi mam arono ido erai etunganan loko Uganda lo idererete asomusinei, ido koboloboloi kanu asekunio kwape e president loko Uganda.

Mam lu etoosaete Amuriat apotu kitepegata akiro ke Kalibalaido abu Nabasa kolacak Amuriat konye kitogogongite ngesi abongor okooti eraasi Omuk 9, 2021, kanu aipup emusaago ke.

Konye abu Amuriat kolimok egangitok ke asalakin etiting eutaara ngesi eiria keda ‘otorob’ lo ekot amunamuna ainapeta ke kanuko Uganda.
“Erai na eipone lo etamitor otorob aitisilaara eong Konye ekot yesi lu igangitos eong. Ekot yesi aisal igogong. Nu iutaara oni erai kanu itunga luko Uganda, akwap wok tetere ilacakin kane ejai otorob lo iroikit oni,” Abala Amuriat.

Kobala ebe nu esomakinos ngesi mam erai nu aumokin konye elomunitos kotoma amwanis na eroikit President Museveni ido ebeit aipurie ngesi amwanis kanoinoi etamaki akoko aseo.

Eyatakit ebe kopukwana ejai ngesi agogong karaida aroikitai eong naarai amuno ka bon ebe akoto eong atwanare kanu itunga ka.
Ageun ne agearor aisup aseeta, Amuriat ngesi ekamunun irwana 10.

Akacun bobo Amuriat

Karaida aponi kolacakina ko Mpigi, Amuriat, nges bobo aponi okacuai ko
Kampala.
Emotoka ke Amuriat nesi aponi itobwounai ko Mengo, Kampala ne abuikinere ngesi aijal amotoka ke kosodete aitolomikin naka polis ejai
ngesi aibe oreke.

Aponi kirupakinai ber polis nako Katwe. “Ijaa isio ne ikacunit lo ikila asekunio kwape epresident Patrick Amuriat, kanu ebe aitolot aswamisioit na apalisonut na emina kijaik adeka ebwangakin otunga, ka ebe agolokin elose korot loko Natete-Ndeeba.

Ekacunitai Amuriat ka enyamiton ke PC Erikitoi Emmanuel, kanu ebe aitam ayuar ngesi,” abala atupiton eraban ipolisin ko Kampala, Luke Owoyesigyire.
Arai alacakin Amuriat ngipengin ko Mpigi. Aponi do kolacakina Amuriat. Konye itunga lu ipu kesi abalasi ebe esubitos lu ayuara bala etingit etasuro kalu etepegak apugan kanoinoi ngun lu egogong aisup aseeta.


Kodumak aidules acie otoma apapula!

Karai imina ijo iyemuto lu, komorata keda lucie itunga.
Previous Etijijim ao aijar ke Florence Adongo
Next Adod Rody Gavana MC Abel

1 Comment

  1. September 4, 2021
    Reply

    406293 617404Hey, you?re the goto expert. Thanks for haingng out here. 700034

Leave a reply

Your email address will not be published. Required fields are marked *